Mes da Ciencia en Galego nas Bibliotecas

Bo día amiguiñ@s

Este mes de novembro estamos a celebrar o mes da ciencia en galego nas bibliotecas.

Cada ciclo preparou dous experimentos e cada semana amósannos na biblioteca o resultado da súa preparación.

Hoxe vos deixamos os que prepararon infantil e o primeiro ciclo de primaria. Noutra entrada vos amosaremos os de 3º a 5º de primaria.

Infantil expuso un experimento sobre a enerxía estática e outro de monstros espumosos con vinagre e bicarbonato de sodio.

En 1º e 2º de primaria fixeron un experimento sobre a densidade de distintos líquidos e outro sobre a capilaridade e mestura de cores.

NOVEMBRO. Mes da ciencia en galego nas bibliotecas.

Celebramos novembro, o mes da ciencia en galego nas bibliotecas con obradoiros durante os tres últimos día de novembro. Cada clase preparou un obradoiro para presentar ao resto dos grupos do colexio. Como lles gusta ir polas clases!! E como lles gusta que as outras clase vaian de visita pola súa!!

Foron unhas sesión cheas de aprendizaxes, de nervios tamén. Falar en público é todo un reto. Paga a pena o traballo vendo as súas caras de orgullo, de satisfacción e de querer amosar todo o que saben. Desfrutamos un montón!

Deixamos un pequeno vídeo cunha pequena escolma de fotos para que poidades ver a morea de actividades que fixemos xuntos.