Día de Europa

O día 9 de maio conmemórase o Día de Europa.

Neste día todo o alumnado de primaria preparou as bandeiras dos 27 países que forman parte da Unión Europea, despois de falar e investigar un pouco sobre este tema. Despois as pegaron nun globo aerostático na entrada do colexio. Ao lado tiñan información sobre o país de cada bandeira, a súa capital e algúns datos máis.

Tamén tiñan información dalgúns países concretos en libros da nosa biblioteca coma estes.

Día Internacional contra o Acoso Escolar. Biblioteca municipal de Porriño

Ola a tod@s.

O 2 de maio celébrase o Día Internacional contra o Acoso Escolar.

No colexio organizamos lecturas compartidas nas horas de ler partindo dun libro que fixo a biblioteca municipal de Porriño. 

"Contos que curan" #2 acoso escolar, é un proxecto de biblioterapia infantil da biblioteca de Porriño que chegou ao noso colexio en forma de libro. Nel recóllense moitos libros da biblioteca para traballar este día, o que fixemos nós é facer unha selección deles e que tiñamos tamén na nosa Bibliocrocaio, e repartilos por ciclos ou niveis.

Adaptados á idade dos distintos niveis, e durante as horas de ler, fixeron lecturas compartidas e falaron despois do libro reflexionando sobre el.

En infantil leron as titoras ao seu alumnado.

Visita da escritora Eva Mejuto

Esta semana tivemos a visita da escritora Eva Mejuto. Asistiron a ela o alumnado de infantil e 1º-2º de primaria.

Falounos do seu libro "Dez gatiñas viaxeiras", libro recomendado dende a Bibliocrocaio para infantil e que trouxeron este día para que llo asinaran.

Tamén animounos a crear persoaxes, cidades e transportes como variante do seu libro.

Deixou unha dedicatoria no libro de visitas da nosa biblioteca.

Moitas graza Eva por axudarnos a imaxinar!!

Novidades maio

Bo día

Este mes temos expostas as últimas novidades adquiridas deste curso.

Como vos dixemos o mes pasado temos máis libros de lectura fácil.

Libros para buscar información e curiosidades, emocións, banda deseñada, culturas, inglés, máis libros sensoriais...

E xa temos dúas adquisicións sobre Begoña Caamaño para a Semana das Letras Galegas. 

Conmemoracións maio

Podedes ver no expositor de conmemoracións libros relacionados coas datas máis importantes deste mes. 

Libros para traballar a temática do Acoso Escolar e o Día de Europa.

Destacar a Semana das Letras Galegas que xirará este ano en torno a figura de Begoña Caamaño, da cal xa tedes algúns libros que podedes consultar.

Voluntariado. Cada semana contos en infantil.

Os maiores do colexio veñen cada semana a contar un ou dos contos a infantil na hora de ler.

Esta semana leron "Maruxa" e "Coelliño branco". Un deles acompañado de títeres que fixeron.

Moitas grazas!!

Semana do Libro

Do 20 ao 24 de abril celebramos a Semana do Libro, fixemos actividades preciosas.

Unha delas foi, como todos os anos, o apadriñamento lector no patio. O alumnado de 4º, 5º e 6º de primaria leron a infantil, 1º, 2º e 3º de primaria.

Outra actividade que resultou moi divertida e motivadora foi a elaboración dun bookface, cada alumno e alumna do colexio fixo unha foto fusionándose coa portada dun libro. Elaboramos un vídeo que viron na biblioteca con todas elas. Podedes velo máis abaixo.

Apadriñamento lector:

Bookface:

Día da Terra

O día 22 de abril celébrase o Día da Terra. No colexio ademais de poder ler libros como estes, facemos actividades na clase e temos horto ecolóxico.

3º de primaria traballaron o Día da Terra de maneira interdisciplinar matemáticas e ciencias.

No horto escolar plantamos de forma ecolóxica, temos composteiro e no colexio reciclamos.