Letras Galegas. Homenaxe a Begoña Caamaño.

Na semana das Letras Galegas, este ano adicado a Begoña Caamaño, fixemos distintas actividades organizadas polo ENLG (equipo de normalización da lingua galega).

Dende a nosa biblioteca ofertamos dous libros que puidemos ler e consultar e a nivel de aula fixéronse distintas actividades.

Destacamos aquí os traballos tan orixinais feitos por todos os cursos de primaria e que expuxeron para todo o alumnado do centro na biblioteca.

O alumnado de 1º, 2º e 3º de primaria preparou unha entrevista a Begoña Caamaño nena e outra a Begoña Caamaño adulta.

O alumnado de 4º, 5º e 6º fixeron unha reportaxe e un noticieiro moi divertidos.

E para finalizar a mestra de música, Marta, preparou unhas cancións por niveis dende infantil ata 6º de primaria.

Así homenaxeamos a Begoña Caamaño e á nosa lingua.

O maio do noso cole

A chegada da primavera trae cores, olores e danzas. E como mellor festexalo que co noso maio. 

Coa colaboración das familias que trouxeron fiuncho, pampullos, xestas, cascas de ovos... fixemos este precioso maio. 

A mestra de música, Marta, ensaiou unhas coplas por ciclos que recitaron acompañadas de instrumentos musicais e tamén viu acompañada do grupo Cantares de Erbilone para porlle voz ao noso patrimonio a través da nosa música.

Moitas grazas á banda e á profe Marta!!

Tamén dende a Bibliocrocaio queremos ofrecervos este libro que tedes na biblio sobre esta temática.

Infantil visita a Biblioteca Juan Compañel

O venres infantil fixo unha visita á Biblioteca Pública de Vigo Juan Compañel.

Despois de explicarnos nun vídeo as normas da biblioteca, amosáronnos varios libros, os máis xigantes e os máis minúsculos que cabían nunha man.

Vimos as distintas zonas da biblioteca infantil e xuvenil e despois leváronnos a unha aula onde puidemos disfrutar de libros variados.

Precioso conto de APAMP

Esta semana tivemos outra das varias visitas de Silvia de APAMP, asociación de familias de persoas con parálise cerebral. Esta vez Vivindo veu a infantil a amosarnos un libro moi especial, feito con moito cariño no seu taller artístico. 

"Elisa no mundo das maravillas"

Despois o alumnado de infantil fixo a súa propia obra de arte pintando con distintas partes do corpo.

Voluntariado cóntanos "Cocorico"

 Esta semana o voluntariado veu contar a infantil o conto "Cocorico"

Grazas compis!!

Día de Europa

O día 9 de maio conmemórase o Día de Europa.

Neste día todo o alumnado de primaria preparou as bandeiras dos 27 países que forman parte da Unión Europea, despois de falar e investigar un pouco sobre este tema. Despois as pegaron nun globo aerostático na entrada do colexio. Ao lado tiñan información sobre o país de cada bandeira, a súa capital e algúns datos máis.

Tamén tiñan información dalgúns países concretos en libros da nosa biblioteca coma estes.

Día Internacional contra o Acoso Escolar. Biblioteca municipal de Porriño

Ola a tod@s.

O 2 de maio celébrase o Día Internacional contra o Acoso Escolar.

No colexio organizamos lecturas compartidas nas horas de ler partindo dun libro que fixo a biblioteca municipal de Porriño. 

"Contos que curan" #2 acoso escolar, é un proxecto de biblioterapia infantil da biblioteca de Porriño que chegou ao noso colexio en forma de libro. Nel recóllense moitos libros da biblioteca para traballar este día, o que fixemos nós é facer unha selección deles e que tiñamos tamén na nosa Bibliocrocaio, e repartilos por ciclos ou niveis.

Adaptados á idade dos distintos niveis, e durante as horas de ler, fixeron lecturas compartidas e falaron despois do libro reflexionando sobre el.

En infantil leron as titoras ao seu alumnado.