A PRIMAVERA
Unha mañá de cedo
ergueuse a primavera
buscando para o pelo
as flores da lileira.
Para atopar xardíns
púxose de camiño
e avisou aos paxaros
de que fixesen niños.
Tamén buscaba rosas
nos recantos floridos
cando agardan por maio
que está durmido.
-Cabaliño do demo,
Cadeliña de frade,
Canto tempo queda
ata a cidade?
-Un río, dúas pontes,
tres soutos, catro serras,
cinco bosques moi mestos
e seis mil leiras.
Na Biblio Crocaio!
Ningún comentario:
Publicar un comentario