O día 9 de abril Ledicia Costas agasallaranos coa súa presenza e compartirá unha sesión de amena conversa co alumnado de 5º e 6º do colexio.
Escritora nova pero de forte pegada, o seu libro Escarlatina a cociñeira defunta foi Premio MERLÍN o ano pasado e engaiolou aos nenos e nenas de 5º e de 6º curso así como a moitos outros alumnos e alumnas de coles galegos que ela visitou.
Escarlatina, ademais de contarnos unha orixinal historia, vai intercalando deliciosas receitas de cociña, aptas para que os máis cativos se acheguen ao mundo dos fogóns e , coma no proxecto "O mellor sabor dos sabores é..." no que tamén participamos, saboreen pratos novos, uns coñecidos e outros menos , como: Madalenas, Galletas, Pizza Romana...pero sobre todo aprendan lean e se divirtan con este libro.
Ningún comentario:
Publicar un comentario