No Nadal un conto. Vigo en galego.

Este Nadal, o Centro de Interpretación da Oralidade ten preparadas máis de trinta actividades en dezaoito puntos da nosa cidade. Historias contadas para público familiar, para xente miúda e mesmo para bebés, pensadas para pór en valor a palabra falada e a lingua galega. Actividades atractivas, creativas e plásticas para os cativos, contos de moitas cores, do tranvía, de carteiros… creando por medio da oralidade momentos máxicos nos que deixar voar a imaxinación aproveitando os días libres das vacacións. Todas estas actividades serán de balde e na programación que vedes a continuación podedes atopar o nome de cada actividade, a idade recomendada e o enderezo de cada espazo no que se levará a cabo.