Coñecemos outros deportes: O BÉISBOL

Hai uns días tivemos no cole a unha representante do Clube de Béisbol Halcones de Vigo que, dentro do prograna XOGADE, moi amablemente ofreceu unha longa  sesión para explicar aos nenos e nenas de 2º ata 6º como se xoga ao Béisbol.
O obxectivo do béisbol é golpear unha pelota  cun bate (batear), desplazándoa a través do campo e correr polo campo interno de terra buscando alcanzar a maior cantidade de bases posibles ata dar a volta á base desde onde se bateou e lograr anotar o tanto coñecido como carreira.
Gustou moito este deporte descoñecido para case todos e para outros xogado nos videoxogos!!!
Mirade que ben o pasaron:
 
O deporte pode axudarnos a desenvolver a nosa personalidade, a formarnos como personas e a ser fisicamente máis fortes e sans, senón mirade o que lle pasou ao protagonista do conto de Anthony Browne titulado Willy el tímido

Crocaio atopou para vós este xogo sobre os contos clásicos e agadece moito a Bibliocastelo A Pedra que o fixo e o comparte. Fermoso traballo!

Letras galegas 2013

En Sampaio CONTAMOS TOD@S

Así foi a nosa celebración das Letras Galegas: 
 Agardamos un agradable día de sol e saímos na Hora de ler todas as aulas a contar contos.
2º e 3º Ciclo contaron aos máis pequenos, pero tamén, desta vez, o 1º Ciclo contou o seu conto aos maiores.
 Escolleron na Biblio os contos e preparáronos na aula con antelación, resultou unha Hora de ler diferente , un apadriñamento lector  compartido, e como vedes nas fotos con moito interese tanto no momento de  contar como de escoitar.

 

Florín de 6º con Elena de 1º :

 

Sandra de 1º con Diego de 6º curso e Naiara de Infantil 5:

 

Subimos á Biblio e alí, todos xuntos, vimos un pequeno video de Roberto Vidal Bolaño, escoitamos a presentación do 2º ciclo de seu traballo sobre Rosalía de Castro

e vimos na pizarra a súa presentación e recitamos poemas en galego. Pronto poderedes ver a presentación da lectura dos contos na que estamos tod@s.

 

En Sampaio CONTAMOS tod@s

Mañá martes, na Hora de ler, realizaremos a actividade que tanto vos gusta de contar contos aos máis pequenos  ao aire libre. Estamos desexeando!!!
Esta vez , haberá moitos máis contos que noutras ocasións, os nenos e nenas de 1º Ciclo levan contos con moitas imaxes  para contarlle aos maiores, haberá contos coma estes:

En Sampaio Tod@s CONTAMOS.
Probade tamén con estes xogos de habilidade do portal de Educapeques:

Galica somos Nós: a xente máis a fala...

Letras galegas 2013 on PhotoPeach Podes ver máis no Blogue dos peques

Visita do ESCRITOR

Silvestre Gómez Xurxo 

    Silvestre honrou á Biblocrocaio coa súa presenza e os nenos e nenas de 2º ciclo seguírono con moito interese.

                      O seu libro Ti non xogas! foi todo un éxito de lectura proposta.

Silvestre  comezou a súa charla expresando a ilusión que lle fai coñecer aos seus lectores. Logo foi respondendo as súas preguntas e comentando detalles interesantes sobre este libro e sobre o oficio de escribir.  Destacou que prefire historias da vida cotiá, conflitos que atopamos arredor, que nos permitan aprender algo. Que o libro empeza a facerse na súa cabeza moito antes de se sentar a escribir, a idea prendeu e ata que se puxo a escribir pasaron catro anos pero despois escribiuna en dous meses. Por último sentouse a asinar os libros. Moitas grazas Silvestre!!

 

                     Así expresaron eles os comentarios sobre o libro:

Actividades LETRAS GALEGAS

Presentación do video sobre o inmenso traballo sobre Rosalía de Castro levado a cabo polo alumnado do 2ºCiclo e a súa titora:a profe Ana. Inmenso,porque ademais de investigar, memorizar, recitar, copiar, cantar, debuxar e facer flores de papel para agasallar xunto cun poema ao resto do alumnado do colexio, tamén visitaron a gardería infantil do noso barrio: Sampaio, para compartir cos máis pequeniños do barrio a vida e a obra de Rosalía e recitarlles cadanseu poema. O que ides ver é moi resumido todo ese traballo. Parabéns!!

Recollido do Blogue dos peques, a visita de Miguel Angel  Alonso Diz  co su obradoiro sobre Rosalía: Ola Ríos, Ola Fontes:
By Slide.ly - SlideShow Maker

Letras galegas 2013:

Vida e obra de Roberto Vidal Bolaño: "Letras galegas 2013"

XOGOS LIM POR CICLOS PARA ESTES DÍAS:
INFANTIL:

1º CICLO:

2º CICLO:

3º CICLO:

Cartas a Ratón Pérez

Os nenos e nenas do primeiro Ciclo estivemos uns días lendo entre todos este fermoso libro.Gustounos moito e por iso queremos recomendárvolo.

  É un libro de Antonia Ródenas con ilustraciónss de Carme Solé Vendrell de "Sopa de Libros" da editorial Anaya.  

Un gato chamado Manchas Negras non tiña dentes. Como non podía facer moitas cousas  mandoulle tres cartas a Ratón Pérez.

Na primeira  contoulle que non tiña dentes e quería llos puxera Ratón Pérez. Este non contestou porque pensou que era mellor para os ratos que  un gato non tivese sin dentes.

Na segunda Manchas Negras dixo que non podía comer comida, só papiñas.
E na terceira mencionoulle que non podía cantar no coro dos gatos cantores, que era o que máis lle gustaba. A Ratón Pérez  deulle moita tristeza ler estas cartas e decidiu axudarlle.

Se premedes neste ratiño poderedes imprimir moitos debuxos do Ratón Pérez para colorear:

E aquí tedes un xogo do Ratiño para disfrutar nesta fin de semana:

A revista para familias

Os mellores libros informativos para cativ@s curios@s

Seleccion libroinformativo1 from Biblioabrazo

Aí vén o maio de flores cuberto....

Despois do mes dos libros, comezamos as actividades do mes das letras. 

En 1963, a Real Academia Galega decidiu que se declarase o día 17 de maio de cada ano como "Día das Letras Galegas", unha data que conmemora a publicación de Cantares Gallegos de Rosalía de Castro. 

Cada 17 de maio, Galicia  celebra as nosas letras e a nosa lingua. Cincuenta anos despois da publicación cada ano  dedicamos este día a unha figura significativa das nosas letras.

Este ano, o elixido foi o dramaturgo Roberto Vidal Bolaño, figura fundamental na construcción do teatro galego. 

Pechamos abril e chegou maio con todas estas actividades:

Durante unha semana tivemos a interesante exposición de paneis Coidamos o noso mar .

 Tamén pasou pola BIBLIOCROCAIO  o Consello regulador da Mel de Galicia para mostrarnos como se produce o mel.Visita a súa páxina e atoparás receitas con mel...e máis cousas.

A Biblicrocaio contou o venres día 3 co "Obradoiro de igualdade" 

Ese mesmo día contamos coa presenza do escritor
 Miguel Ángel Alonso Diz, que nos ofreceu o seu obradoiro "Ola Ríos, ola fontes!! e que nos deixou estes agasallos. Moitas grazas Miguel! 
Pronto falaremos do seu novo libro pero xa podedes ir mirando algo premendo aquí.

Agardamos o apadriñamento lector: contar contos aos máis pequenos: En Sampaio contamos tod@s.
Ide preparando os contos xa que faremos a lectura o día 16, ese día, ademais da presenza no cole do escritor Silvestre Gómez haberá  sorpresas que iremos desvelando de vagar...

Charla para Nais e Pais na BIBLIOCROCAIO: INTERNET

                    MARTES 07 DE MAIO AS 16 OO  horas.

O CEIP Eduardo Pondal, participa no III Plan Director. 
Un policía especializado acude ao centro en dúas etapas moi enriquecedoras, a primeira dirixida ao alumnado do terceiro ciclo de educación primaria e a segunda dirixida a todos aos pais-nais interesados en coñecer os problemas e riscos de internet.

Dado o INTERESE DO TEMA ESPERAMOS CONTAR COA VOSA PRESENCIA.
 A charla será no CEIP EDUARDO PONDAL 
                   MARTES 07 DE MAIO AS 16 OO  horas.