Visitamos a libreria "Libros para soñar"

O alumnado de infantil, 1º e 2º de primaria visitou a librería do casco vello de Vigo "Libros para soñar", onde disfrutamos dunha sesión de contacontos chea de imaxinación e alegría.

Recomendacións lectoras abril

 Boas amigos e amigas!

Agora que se achegan uns días de descanso deixámosvos por aquí as recomendacións lectoras da Biblioteca.

Desexámosvos unhas felices lecturas!

Novidades lectoras do mes de Abril

 Boas amigos e amigas!

Este mes de abril ven cargadiño de novidades e tamén de recomendacións lectoras, en relación ás conmemoracións e as datas importantes deste mes.

Aquí vos deixamos a mostra.

Bibliocrocaio vístese de verde por San Patricio

Ola amigos e amigas do Pondal!

 Tivemos a sorte de contar en Bibliocrocaio, coa nosa auxiliar de conversa, Marta, para contarnos un conto moi divertido sobre o seu can en Dublín. E celebrar así ao grande a festividade de San Patricio.

Como non podía ser doutra maneira, viñemos vestidos para a ocasión cunha peza de roupa de cor verde.

Visita da escritora Iria Misa á Bibliocrocaio

 Ola amigos e amigas do Pondal!

A escritora, Iria Misa, viu visitar ao alumnado de 5º e 6º de Educación Primaria para falarnos do seu libro "Mamá , quero ser Ziggy Stardust" e  dos seus novos proxectos.

 

O alumnado entregoulle un libro con ilustracións do conto, onde tamén cada un/unha respondeu que era para él/ela ser un neno/a.

E para ti? Qué é ser un neno ou nena?

Día da Muller e Semana da Prensa

 No cole celebramos o Día da Muller traballadora e a Semana da Prensa ao grande!

O equipo de biblioteca en coordinación co equipo TIC, organizou unha proposta relacionada co proxecto "Décadas musicais", na que colaborou todo o cole. A partir dunha noticia de prensa redactada e creada polos nenos/as, poñemos en valor o papel da muller na música.

Compartimos unha pequena mostra desta proposta nas seguintes fotografías.

Entroido no Pondal

 Boas amigos e amigas!

O tempo de Entroido chegou ao Pondal! e este ano relacionouse co noso proxecto "As Décadas Musicais".

Mirade os nosos mandatos do Meco!

 

O venres 28 de febreiro celebramos o Entroido desfilando pola peonil do Calvario, contaxiando no barrio a alegría desta festa e deixando abraiados a todos e todas, cos nosos disfraces.

 Botade unha ollada!

 

E como non podía ser menos, tamén gozamos dunhas saborosas filloas!

Recomendacións lectoras febreiro

 Moi boas amigos e amigas!

Xa rematado o mes de febreiro, cargadiño de cousiñas importantes como a preparación do Entroido, o Día do Amor e da Amizade e o Día de Rosalía, querémosvos ensinar cales foron as nosas recomendacións lectoras en relación a estas datas importantes.

 

23 febreiro "Día de Rosalía de Castro"

Boas amigos e amigas!

Este 23 de febreiro celebramos o Día de Rosalía de Castro. E con tal motivo, fixéronse no cole actividades moi chulas.

Relacionado co noso proxecto "Décadas musicais", fixemos un mural e un Kamishibai musicado sobre o poema de Rosalía de Castro "Has de cantar". 

Podes gozar do noso Kamishibai pinchando na imaxe.

E fixemos outras actividades que nos achegaron un pouquiño máis á obra e vida de Rosalía de Castro. Botade unha ollada!

 

11 febreiro

Boas amigos e amigas!

Onte foi o Día Internacional da Muller e a nena na ciencia. 

No noso cole traballamos un pouquiño sobre algunhas científicas importantes e os seus descubrimentos. Fixemos unha exposición sobre Marie Curie con algunhas actividades. 

Coñecedes algunha científica máis??

Novidades xaneiro!

 Boas amigos e amigas!

Este mes de xaneiro tivemos novidades moi interesantes na nosa biblioteca. Imos ter novidades cada mes polo que estade moi atentos e atentas para que non vos perdades nadiña

Recomendacións lectoras xaneiro

Boas amigos e amigas!

Agora que xa rematou xaneiro querémosvos ensinar cales foron as nosas recomendacións e as datas importantes deste mes.

Día da Ilustración e da Paz

 Boas amigos e amigas!

Onte, 30 de xaneiro, conmemoramos no noso cole o Día Escolar da non Violencia e da Paz. Para facelo, aproveitando o PDI da biblioteca, as décadais musicais, cada aula escolleu unha canción relacionada con este día. 

Ademais, como tamén celebramos o día da ilustración decoramos a entrada de noso cole coas cancións escollidas. 

Por último, estivemos na biblioteca presentando a nosa canción, os seus significados, os autores, etc. Foi unha mañá moi divertida e interesante. 

Os bolechas en igualdade

 Boas amigos e amigas!

Hoxe, os nenos e nenas de Educación Infantil, 1º, 2º e 3º de Educación Primaria tivemos a sorte de recibir na nosa biblioteca a "Vicente", un pintor experto amigo dos bolechas. 

Falamos sobre o noso patio e sobre como sería o noso patio ideal. Entre todos e todas fomos debuxando ese patio...

Ademais, trouxo ao propio Carlos que tamén nos ensinou algunha cousiña sobre igualdade como a forma de vestir, os xoguetes, as tarefas da casa. E por si fora pouco, tivemos como agasallo un libro de actividades!

Pasámolo xenial aprendendo sobre a igualdade, as oportunidades e os dereitos das persoas!