Obradoiro de regueifas.

O alumnado de 4º, 5º, e 6º de primaria, o pasado 28 de novembro, desfrutaron dun obradoiro de regueifas a cargo de O Carucho e Pinto d´Herbón, organizado pola Sección de Normalización Lingüística do Concello de Vigo. Son uns cracks regueifando e tamén o son animándoo a facelo. Explicáronlles tamén de onde vén a tradición. E como colofón, animaron aos peques a que compuseran eles mesmos as súas propias regueifas. Podedes ver no vídeo un anaco da súa creación e interpretación. Resultou moi interesante, aprenderon un montón e pasárono moi ben. Un obradoiro de 10! 

 

11 de decembro. Día Internacional das montañas.

 Cabuxiñas do Pondal!! 11 de decembro, Día Internacional das Montañas!!!

Lagoa da Serpe. Foto de Emilio Blanco López.

TRABALLOS DE HORTA

Xa que os peques comezaron os traballos de horta, aquí vai unha pequena escolma de libros que tendes a vosa disposición na biblioteca para saber máis sobre as incribles plantas. 

Museo do Mar de Vigo.

 Esta semana, 6º de infantil, e 1,2º,e 3º de primaria, foron de saída ao Museo do Mar de Vigo. Aquí tendes unha pequena mostra de libros que temos na biblioteca para coñecer máis sobre a riqueza dos noso oceáno. Podes consultalos na Bibliocrocaio ou levalos en préstamo para casa para compartilo coa familia. 

NOVIDADES NA BIBLIOCROCAIO

Engadimos os primeiros tomos dunha das mellores e máis exitosas coleccións de Pedro Mañas, que tan ben e bonito escribe, "Anna Kadabra".

Comezamos tamén cunha colección moi exitosa da editorial Blackie Books que mestura ternura, optimismo, alegría, valores, amizade....Presentámosvos a "Perro Apestoso"! De seguro que lle collerás cariño dende as primeiras páxinas. 

Algúns peques desfrutan a tope cos libros de datos, récords, curiosidades, e de seguro que este vailles encantar. Cunhas fotografías moi boas e textos moi interesantes. Aprendemos de todo un pouco!

Tamén incluimos o último tomo de Diario de Greg, recén saído ao mercado. Unha das coleccións con máis fans no noso cole. 

E engadimos tamén o último tItulo de Isadora Moon aos que xa temos na biblio e que tiña varias peticións no buzón de suxerencias.  

 

25 N

 

NOVEMBRO. Mes da ciencia en galego nas bibliotecas.

Celebramos novembro, o mes da ciencia en galego nas bibliotecas con obradoiros durante os tres últimos día de novembro. Cada clase preparou un obradoiro para presentar ao resto dos grupos do colexio. Como lles gusta ir polas clases!! E como lles gusta que as outras clase vaian de visita pola súa!!

Foron unhas sesión cheas de aprendizaxes, de nervios tamén. Falar en público é todo un reto. Paga a pena o traballo vendo as súas caras de orgullo, de satisfacción e de querer amosar todo o que saben. Desfrutamos un montón!

Deixamos un pequeno vídeo cunha pequena escolma de fotos para que poidades ver a morea de actividades que fixemos xuntos.