Un día de Marzo

Unha biblioteca chea de vida!

Experimentando co forestal

Experiencia CSIC na Biblio Crocaio Biólogas do CSIC -Centro Superior de investigacións científicas achegaron a Ciencia á Biblio Crocaio facendo experimentos relacionados coa natureza e coas árbores, aos que asistiron alumnado de infantil e de primaria aos que deixaron manipular como si foran pequenos científicos:

A Primavera

 

 No afán por descubrirvos libros que esperten o amor pola natureza, Crocaio tráevos  hoxe un moi especial:
 O segredo de avó oso, da editorial Kalandraka, escrito por Pedro Mañas e ilustrado por Zuzanna Celej, ofrécenos un punto de vista particular sobre a chegada da primavera.

21 DE MARZO: Día mundial da POESÍA

DA POESÍA E DA PRIMAVERA

 A árbore

Debuxo no caderno,

ao vir a primavera,

unha árbore alta

de catrocentas ramas.

Serán as súas follas 

os versos dun poema

e acudirán paxaros

co son das súas baladas.

Os feixes das raíces,

que medren baixo terra,

irán, fura que fura,

buscar auga agochada,

e nacerán mil flores

coa danza das abellas

e o sol fará o seu niño

nos versos da enramada.

 Ana Mª Fernández

                             Versos da tarde laranxa

Quixera ser unha nube:

subir, subir e subir;

cando haxa festa no ceo

vestido branco lucir.

Quixera ser primavera

traer follas e verdor,

pintar nos prados as flores,,

cantar coma o reiseñor.

       Ana Mª Fernández.

                                  Tres voltas ao planeta

Primavera

Se ves que a montaña o carapucho perde,

se ves que o carballo pon un vestido verde

ou canta un paxaro con ganas no seu niño

ou que xa non hai xeo na serpe do camiño.

Se observas todo iso é porque estás atento

escoitarás ao cuco que chega nun momento,

como medra a melena da herba

como nacen as flores ás beiras

Porque é primavera. Fai falta que cho diga?

Pois, a COIDAR A TERRA, que a VIDA nos obriga!!

             Ana Mª Fernández

                                                                     Versos da tarde laranxa

Ilustramos estes fermosos poemas para, entre todos construir o mural da Primavera!

BOLBORETA

A primavera

saca a libreta

e pinta os campos, 

vales e gretas

coas cores vivas 

da súa paleta.

Ai , bolboreta!

Sobes e baixas

nunha pirueta,

enches os bosques

coa túa silueta

mentres o vento 

toca a trompeta.

Ai, bolboreta!

Bailas nos ceos,

brumas calcetas

e o paxariño

coa súa opereta,

versos escribe

coma un poeta.

Ai, bolboreta! 

                         Ana Mª Fernández

                                                   Ring, Ring...! Quen rima?

8 de marzo: Día internacional da MULLER

Quero ser ra

Non quero ser príncipe

que quero ser ra,

patiñas lixeiras 

e lama na man.

Non quero ser príncipe

de brancao cabalo,

nin ver á princesa,

nin ter un criado.

Non quero ser príncipe

que ande ás batallas

que durma no cárcere

das altas murallas.

Eu quero o silencio

da lagoa escura,

croar cada noite,

soñar na espesura.

Eu quero  lentura

da herba esquecida

o ulido das flores

nunha amañecida.

Non quero ser príncipe

de seda tapado,

nin levar espada

nin usar calzado.

Deixádeme libre

que quero ser ra

que as augas me falen

do que hai máis alá!

                                     ANA Mª FERNÁNDEZ

“Pensemos en igualdad, construyamos con inteligencia, innovemos para el cambio”.


http://interactive.unwomen.org/multimedia/campaign/unheardwomen/index.html

ENTROIDO 2019

O noso Meco GARDABOSQUES estivo moi atento a todo oque sucedía hoxe no bosque do CEIP EDUARDO PONDAL, no que lobos, raposos, mouchos, caracois, formigas, osos e demais fauna fixeron entre todas unha festa superdivertida na que os papis e mamis colaboraron cunha gran merenda final con doces típicos do entroido que houbo a fartar..., moitas grazas a todos pola colaboración e participación na festa.

Ledicia na Biblio Crocaio

A escritora Ledicia Costas volve despois de catro anos a visitarnos, alumnas que estaban en segundo e que agora están en sexto, puideron traer os seus libros, xa lidos, para seren asinados. Escarlatina, Esmeraldina , A vida secreta das mulleres planta, pero sobre todo firmou e falou das Peripecias de Estravaganzza, a protagonista dumnha das súas novelas para público destas idades.

As peripecias de Extravaganza foi o libro comentado:

 

Foi un placer terte connós, volve cando queiras. Moitas grazas!!

Rosalía en debuxos e poemas

Ledicia Costas

O LUNS 25 de febreiro teremos con nós NA BIBLIO CROCAIO á escritora viguesa LEDICIA COSTAS, as aulas de 5º e 6º len e traballan o seu libro As peripecias de Estravaganzza Pérez

Ledicia Costas é unha escritora viguesa licenciada en Dereito pola Universidade de Vigo. Empezou a escribir desde moi nova.

Coa novela “A balada dos unicornios” gaña o Premio Lazarillo 2017, converténdose na única autora galega en lograr en dúas ocasións este galardón.

Nos últimos anos recibiu importantes recoñecementos, coma o Premio Merlín de literatura infantil, pola súa obra Escarlatina, a cociñeira defunta.
Por ese mesmo libro, o Ministerio de Cultura concedeulle o Premio Nacional de Literatura Infantil e Xuvenil no ano 2015. Ademais, Escarlatina entrou a formar parte da prestixiosa Lista de Honra do Ibby no Congreso Internacional celebrado en Auckland, Nova Zelanda, no 2016.

O seu libro de relatos sobre a II Guerra Mundial Un animal chamado néboa, recibiu por unanimidade o Premio Losada Diéguez de creación literaria 2016. 

Coa novela de aventuras Jules Verne e a vida secreta das mulleres planta conseguiu o Premio Lazarillo de creación literaria do 2015, o Premio Fervenzas Literarias á mellor obra de literatura xuvenil do ano 2016 e oPremio ao mello libro do ano na categoría Infantil e Xuvenil, na II Gala do Libro Galego.

 A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente e que actualmente vai pola 17ª edición.

Podes ler aquí a súa biografía ALTERNATIVA

Nicoletta Ceccoli é unha das súas ilustradoras preferidas, por eso vos deixo este vídeo para que apreciedes o tipo de imaxes que poboan o seu maxín de escritora: 

Poemas musicados de Rosalía na Biblio Crocaio para lembrala no seu día

Ambiente de escoita musical e de respecto pola figura de Rosalía de Castro no seu día.

Despois do traballo de aula, xuntámonos para un acto colectivo no que cada curso foi recitando  ou cantando o seu poema de homenaxe despois de escoitar a súa biografía narrada polo alumnado de 6º curso.

    3 e 4 anos: O Moucho

                           
4º-3º: Negra Sombra

5º: Onde hai homes hai pesares

 5 anis:Adios ríos adios fontes


6º: Un repoludo gaiteiro
E coñecemos a lámina de Abi Castillo que nos gustou moito, moito!

Dia de Rosalía de Castro

VIDA E OBRA DE ROSALÍA DE CASTRO, explicada polo alumnado de 6º curso: