Contesta para mellorar a nosa Biblio

Premios Faro da Escola

No Pavillon dos Deportes de Vigo, recibimos hoxe os premios Faro da Escola todos os colexios participantes.Abaixo o noso alumnado co premio ao mellor Proxecto de Empresa, polo noso labor no Plan Proxecta, no que levamos varios anos traballando. Unha gran festa do xornalismo que por culpa do mal tempo foi a cuberto sendo anos pasados en Castrelos. O sr. Alcalde de Vigo e concelleiro/as entregaron algúns dos premios.

SEMANA DO MEDIO AMBIENTE

O mouro Moure ( Fillo de Anxo Moure: O carballo con botas) trouxo hoxe a Biblio Crocaio as súas magníficas historias do bosque, de árbores, de lobos, de paxaros...Veu enriba dunha vara de alvedro, érvedo ou madroño en castelán  e chegou á Biblio para contar a pequenos e maiores historias que contiñan moito amor pola vida, pola natureza , polos montes e terras de Galicia.

Poemas para xogar coa natureza

O baúl de Domingo Quintas» e o título dun proxecto que parte dun feito real e autobiográfico para convertirse en literatura. A obra comeza cando o narrador decide abrir o vello baúl do bisavó e atopa unha morea de poemas escritos sobre cortizas de bidueiro. Hércules de Ediciones publicou o traballo. 

O autor propón achegarse á natureza con poemas sobre animais. Cada texto está centrado nun, dende pequenos insectos aos grandes mamíferos do planeta, e iso fai que os rapaces se interesen pola natureza.

Era unha xoaniña,

barrosiña,

costureira,

voaniña,

que veu e que foi,

que dez dedos

me contou,

que un…

e que dous…

Dous puñiños me deixou

e aínda non me casou.

Fermosa dama,

a donosiña,

vaise de marcha.

Donda elegancia

nos seus andares

cando ela pasa!

·         

      * Donosiña, donosiña, come pan, come sardiña!,dicíaselle na Coruña. En Sicilia, bérranlle para que non leve as galiñas…Baddòttula, baddottulìna, nun tuccari la gaddina!

O piratiña

ten cen goridas

e nas cen xoga

ás escondidas.

Mostra o fociño,

mostra o bigote,

os dous olliños

e o rabichote.

Aí vén o gato…!

Xa está seguro

noutro burato.

·         

        * Vale máis estar fraco no souto, ca gordo no cu do outro!,dixo o rato do monte ao ver o gato na casa.

5 de Xuño Día Mundial do Medio Ambiente

Compartimos esta estupenda montaxe do IES A Sangriña para lembrar o Día do Medio Ambiente na que A LOITA CONTRA A CONTAMINACIÓN DO AIRE
 será a protagonista deste ano. 
Será China o país organizador das celebracións porque aproximadamente 4 millóns de persoas morren cada ano a causa da contaminación do aire en Asia.
O Día mundial do medio ambiente 2019, insta aos gobernos, á industria, ás comunidades e as persoas de todo o mundo a unirse para buscar solucións a través das enerxías renovables e as tecnoloxías sostibles.

 

Coidar os bosques, plantar árbores, evitar a contaminación, defender a natureza: 

VI Quedada Literaria de Castrelos

No parque de Castrelos de Vigo, xuntámonos hoxe para compartir lecturas os coles de Vigo , un de Porriño o CEIP da Ribeira e o alumnado da ESO do  IES San Tomé que actuaron como contacontos. Fomos en total   un milleiro de alumnado dos coles:
CEIP Frián Teis - CEIP Emilia Pardo Bazán - CEIP O Rocío - CEIP O Pombal - CEIP Carrasqueira -CEP Doutor Fleming - CEIP Eduardo Pondal - CEIP Seis do Nadal - CEIP da Ribeira - CEIP Chans Bembrive - CEIP Castelao - CEIP Ria de Vigo - EEI Rúa Aragón - IES San Tomé
ORGANIZAN e COLABORAN: Concellería de Normalización Lingüística ,Concellería de Educación  e a Biblioteca Pública Municipal Xosé Neira Vilas 
Unha fermosa mañá, cunha perfecta organización!


BEA CAMPOS E IAGO lÓPEZ ANIMARON O FIN DE FESTA:

Parque Natural Rio Barosa

Entra e curiosea:
https://www.galiciamaxica.eu/galicia/pontevedra/barosa/

Letras galegas 2019

                               

Arriba pobo galego!

Arriba lingua galega!

Que si morre a nosa fala,

non hai pobo nin hai terra!

                Darío X. Cabana- Romance: Historia da lingua galega

Día das letras Galegas 17 de Maio

Lemos e falamos en GALEGO! Celebrarémolo con apadriñamentos lectores e un acto na Biblioteca de lembranaza de Antonio Fraguas, persoeiro ao que se lle dedica este ano o día.Tamén faremos unha pequena historia da lingua galega e leremos textos do escritor. Veremos as montaxes e cantaremos o himno galego.
 

Antonio Fraguas: LETRAS GALEGAS 2019

Cada 17 de maio,  celebramos que en Galicia temos unha lingua e unha literatura propia.

ANTONIO FRAGUAS FRAGUAS

 A Real Academia Galega elixiu nesta ocasión un home que traballou arreo para difundir os tesouros que herdamos dos galegos e galegas que nos precederon: a lingua e a cultura popular. A súa vida é un exemplo de paixón polo coñecemento e polo país.

FAI CLIC nas imaxes e xoga  para saber máis

Ficha colorear

Antonio Fraguas foi un galeguista, un defensor de Galicia e dos dereitos da súa cidadanía.

Fraguas foi un dos grandes valedores da cultura popular, herdanza que cada xeración lle transmite á seguinte para axudarlle a interpretar o mundo.

http://primaveradasletras.gal/arquitectura-popular/

Un dos vellos soños do galeguismo era a creación dun museo que recollese a singularidade cultural de Galicia.Preme na imaxe para saber máis do MUSEO DO POBO GALEGO

Fraguas e as BIBLIOTECAS