Día do Libro: FESTA dos LIBROS

`

Suxerencias de lectura dia do libro 2019-ceip eduardo pondal de vigo de crocaio

O día mundial do LIBRO celébrase cada 23 de abril porque conmemora o falecemento de tres escritores, todos no mesmo día do ano 1616.
-Miguel de Cervantes
-William Shakespeare
-Garcilaso de la Vega
A CONFERENCA Xeral da UNESCO aprobou  proclamar o 23 de abril de cada ano "Día Mundial do LIBRO e dos Dereitos de AUTOR", esto último ten como fin respectar a propiedade intelectual.
A Biblio Crocaio acollerá actividades para celebrar ese día como: 
-Recital de poesías da lingua castelá
-Recomendacións de lecturas, vídeo, dalgúns alumnos e alumnas do cole
-Padriños e madriñas lectores, sairemos aos patios a ler uns a outros durante a hora de ler, previamente collemos un ou dous libros na Biblio para lerlles aos máis pequenos.
-Faremos exposición de libros, novidades e libros curiosos que podemos aportar entre todos.
-Levaremos a casa o boletín de lecturas recomendadas elaborado polo Equipo da Biblioteca para que coñezades libros e música recomendados.
Coñece mellor a Cervantes e a súa obra:

Agora atrévete con este xogo:

Tamén podes consultar na Biblio

Día da TERRA

Día da Terra: unha chamada para protexer o noso planeta da contaminación e sobrexplotación dos recursos naturais

Ese puntiño  á dereita é o planeta TERRA.A foto foi tomada pola senda espacial Cassini no mes de xullo pasado,  a 1440  millóns de quilómetros da Terra. Podemos ver a Saturno e os seus aneis.

Nove relatos, dos cinco continentes, que son en realidade nove leccións de ecoloxía que nos convidan a respectar a natureza, o ceo, a terra, o mar, os animais e as plantas e ao mesmo tempo transmiten unha especie de sabiduría ancestral.

Xoga e aprende con este LIM

https://gl.wikipedia.org/wiki/As_%C3%A1rbores_na_cultura_popular_galega

Novidades: Libros inclusivos

) coelliño branco

Poesía

Contos populares

Contamos

Conto Iago vai á escola

Contamos en Infantil: EU NON FUN

A sopa queima

A mellor sopa do mundo

A vaca que puxo un ovo

LOBO FEROZ

A que sabe a lúa?

CONTAMOS CONTOS CADA SEMANA :

Xan sen medo

Escoitade o conto "Juan sin miedo" despois practicade a canción.
Aquí tedes a letra.

Letra de "Xan sen medo":
http://www.luisvallecillo.net/wp-content/uploads/2017/05/Xan-sen-medo-galego.pdf

PREPARAMOS A QUEDADA LITERARIA DE CASTRELOS EN MAIO

Música, os cursos que participaremos: Infantiles, 1º, 2º e 6º, levaremos aprendida esta canción para cantala con todos os coles que asisten:

Preparamos as lecturas para compartir

 Ao pé dos plátanos de Castrelos

Boceto do marcapáxinas

Pronto teremos o APADRIÑAMENTO LECTOR ,  O DÍA DO LIBRO, no que leremos contos uns a outros baixo as árbores do noso cole, así que ide preparando un contiño, ou dous si son curtos, para ler aos vosos compañeiros á volta das vacacións de Semana Santa
lector padrino from Angeles Saco López on Vimeo.

Visita de Pablo Nogueira

                                      
O venres toca cambiar o libro e aquí   aparece   a aula de Geni facendo o cambio semanal coa Biblio xa decorada para recibir ao escritor Pablo Nogueira que nos veu a contar o seu libro Nube Branca.

PABLO CO SEU AMIGO O PROFE ALBERTO QUE SE ENCARGOU DA XESTIÓN DA VISITA E QUE ADEMAIS REALIZOU O PHOTOCALL CO QUE CADA NENO E NENA DE INFANTIL, 1º E 2º FIXO A SÚA FOTO.

Montaxes feitas  por A. Formoso.

A mochila violeta vai a 4º

María, de 4º curso, levou esta semana a Mochila Violeta despois de que xa pasara por 6º e 5º.

 Contén contos, banda deseñada, a película de Billy Elliot, biografías...todo relacionado co tema da igualdade, e vai circulando paralelamente ás Mochilas Viaxeiras polos cursos de Pimaria.

As mochilas levan unha libreta para facer os comentarios sobre o contido.Aquí tedes o comentario de Paula de 5º:

                            

Educación para a igualdade

Educación sexual na aula de 6º:

Introducimos o tema cun libriño da Biblio Crocaio titulado Vermella que foi premio Fina Casalderrey  2018 de Literatura Infantil pola Igualdade:

"Cando Flor atopa unhas pingas de sangue no cuarto de baño comeza, xunto con Leo, a investigación de tan estraño suceso... Foi un accidente? Quen é a vítima? Serán quen de resolveren este enigma?"

de Sabela Losada Cortizas (Autor), Minia Regos Sanz (Ilustrador)

Despois de repartir o  xeneroso agasallo de Evax e de comentar na aula de 6º dúbidas sobre o tema, sempre podedes entrar na páxina seguinte e buscar resposta a aquelo que aínda non teñades claro

       https://www.evaxtampax.es/es-es/adolescencia-c-de-chicas

Visita do escritor Pablo Nogueira á Biblio Crocaio

 Xa temos o Photocall preparado para a visita do escritor Pablo Nogueira o próximo 5 de abril aos cursos de Infantil , 1º e 2º.

Pablo Nogueira coas ilustracións de Manuel Uhia publicou en Baía:

                  Nube branca quere ser astronauta. 

                                                            Un libriño para os máis pequenos.

 De xeito ameno os nenos e nenas que escoitan o conto participan da historia e son tamén protagonistas.

O libro ofrece actividades a medida que avanzamos na lectura, polo que resulta moi  axeitado para compartir en voz alta.

Muíños do río Pugariño en Chapela

O mércores 27 de marzo, realizamos a visita aos muíños do río Pugariño, en Chapela. 
Desde o cole e a través da Senda da Auga, senda do camiño de Santiago, fomos camiñando a observar os restos dos muíños que utilizaban os veciños de Chapela e arredores para moer o seu gran e que ao quedaren en desuso enchéronnos de lixo, foron un vertedeiro no medio do monte, porque alí ninguén os vía botar o lixo.
 Os veciños organizáronse para limpalos e sacaron toneladas de lixo de todo tipo, pero moito quedou prensado e introducido tan dentro da terra que non puideron con el e vai saíndo pouco a pouco coa erosión da auga do río e da chuvia, sobre todo plásticos, que moitos deles son fragmentos minúsculos que van directos aos estómagos dos peixes da nosa Ría de Vigo.

 

                                          
                                 
Fermoso espazo natural recuperado , intentemos que dure así moito tempo.
Lembrade: nunca tiremos lixo no monte, hai puntos limpos para facelo e personas que traballan para recollelo e reciclalo.

A Igualdade na Biblio Crocaio

No curso de 6º remata o "Obradoiro de Igualdade ", impartido durante toda a primaria por Elsa, a monitora especializada no tema, que vén a través da Consellería de Igualdade do Concello de Vigo.

Un  excelente obradoiro teórico-práctico no que nenos e nenas reciben información moi valiosa de cara a enfrentar a vida con igualdade de xénero, intentando conseguir que homes e mulleres teñamos os mesmos dereitos e os mesmos deberes.

Moitas grazas Elsa, pola túa profesionalidade ,entusiasmo e paciencia!

Carteis realizados polo alumnado de 6º con motivo do 8 de marzo