Así foi o festival: cantamos as cantigas, lemos sobre a vida e algún texto de X. Filgueira Valverde, o escritor homenaxeado. E por último , saímos a ler ao sol. Lemos contos en galego aos máis pequenos. Unha actividade que non por repetida deixa de sorprender, sempre preparan o seu conto con ilusión para que guste aos pequenos e estes están moi atentos , sinon observade detidamente o a montaxe: Noraboa a todos polo traballo ben feito!
A Biblio Crocaio acolleu hoxe o Obradoiro de Maios ofrecido polo Concello de Vigo e o seu departamento de Normalización Lingüística. Despois da charla e vídeo na Biblio baixamos ao patio a bailar a danza tradicional de cintas de cores.
O noso maioquere representar un cubilete e un dado, que son, xunto cos taboleiros, os utensilios que utilizamos para os xogos de mesa.
Fixémolo entre todos, coa colaboración das familias que enviaron os ramallos de xestas, fiuncho, calas, eucalipto, fentos, gladiolos, limóns e rosas; que perfuman a entrada do cole
cun intenso arrecendo que nos fai lembrar o bo tempo, o monte e a natureza verde.
E así din estas coplas que podemos cantar ao seu arredor :
"Este maio que fixemos no Eduardo Pondal,
lémbranos que a primavera esta xa a brotar,
follas, flores e froitos no verán madurarán,
nenos e nenas e libros tamén descansarán."
Agora só nos queda poñerlle música. Grazas ás familias pola colaboración.
Hoxe, o curso de 4º explicou a 1º e 2º como se xoga á petanca. Cun sol espléndido e, na area do patio, fixemos unha divertida competición de petanca, un xogo moi popular no noso barrio, Sampaio, no que os maiores participan en campeonatos e teñen varias pistas preparadas para o seu xogo.
O xogo da petancaconsiste en colocar o maior número de bólas preto dun boliche, pode practicarse en calquera superficie de area. Nos seus inicios, comezaron a utilizarse pedras. Máis tarde, fabricáronse bólas de madeira de buxo con centos de clavos e as modernas son de aceiro ou bronce. Cada unha delas leva un debuxo diferente. A bóla pequena, boliche, á que teñen que achegarse os xogadores é de madeira, pode estar pintada de cor.
É un xogo tranquilo e divertido. Agora que ven o bo tempo e imos estar de vacacións poderémolo seguir practicando nas praias e nas nosas casas.
Constrúense figuras con elementos naturais, como musgo, flores silvestres, ovos, paus e arredor delas cántanse, con acompañamento de paus, coplas e cancións irónicas e críticas con feitos ou
personaxes de actualidade.
En moitas vilas galegas convócase todos os anos un Concurso de Maios e Coplas.
DANZAS TRADICIONAIS DOS MAIOS
executadas polo alumnado do C.P. San Xoan de Filgueira:
Dentro das actividades organizadas polo departamento de Normalización Lingüística do Concello de Vigo, o vindeiro día 6 de maio os alumnos/as de 2º, 3º e 4º de primaria teremos no cole unha actividade na que se lles explicará a tradicional festa dos MAIOS.
Unha mostra da festa na vila de Redondondela, que a vive dende hai moitísimos anos e é moi coñecida pola gran beleza, o traballo perfecto das figuras florais e as coplas tan ben logradas, recitadas por nen@s pequenos.
Paco Nogueiras , é o autor da canción "Cos pés na terra "do seu CD Brinca vai!.Tamén ten a canción dos xogos que dá título ao CD.
Esta é a letra para que a cantedes!
Se xogo á PITA CEGA non podo ver.
Atentos aos reflexos vén o BRILÉ.
Teremos moito ollo xogando á RA.
Pero co TRES EN RAIA hai que maquinar.
Brinca vai!Brinca vai!
Brinca vai!Brinca vai!
Conta aos da roda a ver quen sae. (bis)
Colle a BUXAINA e tira ben.
Ten tino na mariola onde pos os pés.
Colle a BILLARDA e mándaa lonxe.
Nas CARREIRAS DE SACOS tes que apurar.
Brinca vai!Brinca vai!
Brinca vai!Brinca vai!
Conta aos da roda a ver quen sae. (bis)
Imos cantar:
Rabo de boi, rabo de besta,
dixo meu pai que estaba nesta.
Taco, taco, número catro,
un dous,tres e catro.
Un, dous, tres, zapatiño ingés,
sen mover as mans nin os pés.
Vexo, vexo...Que ves?
Vexo os nen@s xogar.
Dálle forte á CORDA,hai que saltar!
Quen pille primeiro o PANO vai ganar!
Nos ZANCOS parece que son moito máis alto.
O ARO na corredoira vai xirar.
Brinca vai!Brinca vai!
Brinca vai!Brinca vai!
Conta aos da roda a ver quen sae. (bis)
Para ver como se xoga a todos estes xogos consulta esta páxina:
Disfrutamos coa vista de Ignacio Vilariño, contacontos de Lalín, que nos contou contos tradicionais de burros, falounos das historias de Rodari e tamén cantamos con el, acompañado do seu uquelele, a canción de Rosa León "O burro enfermo". Fíxonos pasar uns momentos moi divertidos!
Se premes neste enlace terás toda a información sobre o Día DO LIBRO.
¿Sabes por que se celebra o 23 de abril?
Poderás ler a historia da vida tan interesante e aventureira que tiveron estes dous grandes escritores Entra e aprende!
Este ano cúmplense catrocentos anos da publicación do Quijote. En 1615 publicouse "Segunda parte del Inxenioso caballero Don Quixote de la Mancha"
E aquí tes ese famoso comezo da primeira parte do Inxenioso hidalgo Don Quixote da Mancha de Miguel de Cervantes:
O mes de abril ferve nas bibliotecas escolares galegas cunha gran actividade arredor do libro e a lectura.
Se premedes no marcapáxinas podedes atopar a relación de centros con actividades neste día, entre eles o Eduardo Pondal, xa que ademais do Boletín de lecturas recomendadas faremos ese día o apadriñamento lector, como anos antreriores, e haberá algunha sorpresa máis ....
O próximo xoves día 23conmemoraremos O DÍA DO LIBRO. Entre as actividades realizaremos a lectura dos padriños e madriñas lectores en castelán, así que ide collendo o libro na Bibliocrocaio e practicando esa lectura. Mentres tanto disfrutade con esta película:
Natanaël, un neno de sete anos, hereda da súa tía Eléonore unha colección de libros e contos, a pesar de que aínda non sabe ler. Pola noite os personaxes saen dos contos para levar a súa propia vida.
Temos que contarvos que Crocaio aprendeu moitas cousas e pasou uns bos momentos , aí o tedes na montaxe coa boca aberta , pasmado de atento que estivo á conversa de Ledicia Costas:
A escritora viguesa Ledicia Costas visita a Bibliocrocaio - Abril 2015-CEIP Eduardo Pondal -Vigo on PhotoPeach
Montaxe cedida polo Blog dos Peques de Sampaio, realizado pola profe Ángeles Formoso. Pasade o rato sobre o mural e iranse abrindo os videos dos diferentes xogos:
Estes e outros moitos traballos , ata un Libro de receitas tradicionais! fixeron os alumnos e alumnas de 5º e 6º mentres lían Escarlatina, a cociñeira defunta , agardando impacientes á súa autora: Ledicia Costas.
Hoxe mércores, despois da Hora de ler , celebramos a Primeira Xornada de Xogos Tradicionaisque pola chuvia non puidemos facer antes da Seman Santa. Foi todo un éxito, un exemplo de participación e deportividade. Foron pasando polos diferentes xogos ata conseguir encher a cartilla con todos os selos. Mañá teremos fotos da participación xa que hoxe cada titor estaba nun xogo e non houbo máis tempo para compartir as fotos. A montaxe dávos unha idea dos xogos que entusiasmaron a todos e que lles gustan moito cando participamos os maiores cos nenos, así que papis : A xogar ! Non deamos por esquecidos estes xogos ! Poden convivir coas maquiniñas e son moi saudables, había que ver como suaban aínda sen facer sol!
I ENCONTRO DE XOGOS TRADICIONAIS - Ceip Eduardo Pondal - Vigo - Abril 2015 on PhotoPeach
A partir de 6 anos: Unha caravana Chulísima . banda deseñada. Moi entretido.
.JPG)
.JPG)
.JPG)
.JPG)
.jpg)
.JPG)
.JPG)
