Colaboración coa Protectora Os Biosbardos

Levamos xa uns días coa colaboración iniciada coa Protectora de animais Os biosbardos e encántanos a vosa participación. Pais, nais, alumnos, e calquera persoa da comunidade educativa e do centro e do barrio pode colaborar! Só tes que traer algún material para donar á protectora, e a cambio, podes levar libros do expurgo da biblioteca. Pasarvos polo cole para participar! Sede benvidos!

Animámosvos a que vos pasedes polo seu sitio web pars ver outras formas de colaborar e ver o seu gran traballo.

Os Biosbardos (protectoraosbiosbardos.org)

E na biblioteca, para préstamo para casa, tendes libros para prender máis sobre estes incribles animais.

 

NOVO CONCURSO PARA O ALUMNADO!!!

 

Emocionados agardando polas vosas creacións!!!

Contacontos

Sesión de contacontos de alumnado de 4º de primaria para os seus compañeiros/as de Infantil. 

 

Novidades na bilioteca

Un libro de gran formato precioso no que apoiarnos no noso proxecto de Horta Escolar. Cheíño de ideas, de propostas, adaptado a nosa nosa contorna, aos nosos cultivos máis tradicionais. Explica dende o principio como levar a cabo unha horta, e logo vai estación por estación do ano, propoñendo as sementes e plantas máis axeitadas segundo a época do ano. E todo, acompañado cunhas bonitas ilustracións. 

Un libro para resolver dúbidas e deixar claro aspectos da adolescencia que poden resultar de interese. 

Adèle é sarcástica, irónica, malvada, mordaz, e cunha autoconfianza que xa quereriamos para nós mesmos e mesmas. Humor negro descarado! Sería una amiga xenial para Mércores Addams! Fixémonos para a nosa bilioteca con 3 tomos das súas historias. 

Momentos da biblioteca nos recreos.

Aos luns e aos xoves, e supervisado e organizado polo alumnado voluntario de biblioteca de 5º e 6º, ábrese a biblioteca nos recreos, para lectura libre, préstamos de libros para casa, para xogar. Un espazo de diversión, coñecemento, de divulgación e de experimentación.

 

Novidades na biblioteca

 

Engadimos un título novo de Ariol que tiña varias desideratas dos alumnos. Unha colección que está gustando moito!

E engadimos outros dous titulos a nova sección da bilioteca para os máis maiores do cole e as familias. Cunha linguaxe cercana e clara,  con contidos esenciais, importantes, axeitados e oportunos. 

Libros que máis préstamos tiveron no 1º trimestre!!!