O último día de curso todo o alumnado levou para as súas casas o tríptico de verán coas recomendacións lectoras que Crocaio vos fai como todos os anos.
Desfrutade do verán en compañía dun libro para que sigades soñando!
xoves, 23 de xuño de 2022
Voluntariado Lector: esencial na Bibliocrocaio
Por aquí deixámosvos unhas fotografías do acto da entrega dos agasallos e diplomas para o voluntariado lector do CEIP Eduardo Pondal. Arpoveitamos para volver a darlles as grazas por todo o seu esforzo e traballo durante o curso. Parabéns!
domingo, 19 de xuño de 2022
Rosalía de Castro, unha das protagonistas da nosa excursión de Fin de Curso
O pasado 9 de xuño todo o alumnado do CEIP Eduardo Pondal visitou a casa museo de Rosalía de Castro. No ano 1947 creouse o Patronato de Rosalía de Castro co fin de recuperar a Casa da Matanza. Esta foi restaurada no ano 1971 co obxectivo de dar a coñecer a figura e obra da escritora. O alumnado disfrutou do seu interior e do seu xardíns ao mesmo tempo que gozaba da paz que transmite este lugar. Por suposto, adquirimos novos exemplares que forman xa parte da Bibliocrocaio e que moi pronto vos ensinaremos.
A continuación deixámosvos un vídeo que resume toda a xornada no que se inclúe a visita á casa de Rosalía e á catedral de Santiago. Esperamos que vos guste.
Recoñecemento ao voluntariado lector do noso centro
A Consellería de Cultura, Educación, FP e Universidades recoñeceu hai uns días o traballo de10 centros de Infantil e Primaria en materia voluntariado de lectura, iniciativa integrada nos programas de voluntariado da Consellería de Política Social e Mocidade.
O obxectivo é premiar bibliotecas que traballan de forma salientable a compensación de desigualdades e fomentan o voluntariado cultural entre os integrantes da comunidade escolar. Entre eses centro, o CEIP Eduardo Pondal foi galardoado cun dos premios polo gran labor que fixeron os alumnos de quinto e sexto de Educación Primaria durante o presente curso.
Dende aquí queremos agradecerlles todo o seu traballo na Bibliocrocaio. O seu premio disfrutouno todo o centro cunha xirnada de xogos feitos por Xandobela (asociación de educación e dinamización cultural). Por aquí deixámosvos unha mostra do ben que a o pasamos.
sábado, 18 de xuño de 2022
ONCE de Marta Castro
Como vos dixemos na anterior entrada, este luns Marta Castro, nai de Teo de 5 anos, contounos a historia que ela mesma escribiu.
"ONCE"
Moitas grazas Marta por este conto feito con tanto amor!
Este é o conto manuscrito por ela
mércores, 8 de xuño de 2022
"ONCE"
O próximo luns teremos unha visita moi especial. Marta Castro, nai de Teo, alumno da aula de 5 anos, contaralles unha historia moi especial onde o protagonista será o propio alumnado.
"ONCE"
Aquí vos deixamos un adianto en palabras de Marta Castro
“ONCE”conta a historia dun grupo de amigos que deseñan e constrúen con ferramentas especiais un novo planeta
“ONCE” é unha historia de amor propio, esperanza e creatividade, un relato que reivindica a singularidade humana, o valor personal e a maxia da infancia.
Marta Castro Varela
Escritora de xénero, articulista e divulgadora de vida consciente
domingo, 5 de xuño de 2022
5 de xuño, Día Mundial do Medio Ambiente
O Día Mundial do Medio Ambiente celébrase o 5 de xuño coa participación de gobernos, empresas e cidadáns nun esforzo por abordar os máis apremiantes problemas ambientais.
Este ano, celébrase co tema "Unha soa terra", unha consigna que pide cambios profundos nas políticas e nas nosas decisións para permitir vidas máis limpas, ecolóxicas e sostibles en harmonía coa natureza.
No noso centro traballamos con numerosos contos que fan alusión aos aspectos mencionados anteriormente.
Por outra banda, o CEIP Eduardo Pondal cunha horta ecolóxica que emprega todo o alumnado e que hoxe máis, que nunca, ten moito sentido: Feliz día do Medio Ambiente.
.jpg)
luns, 30 de maio de 2022
Ramón Caride visita o CEIP Eduardo Pondal
Ramón Caride naceu en Cea en 1957. Estudou Bioloxía na Universidade de Santiago de Compostela e traballou como mestre de Secundaria. é un escritor que cultivou diversos xéneros como a poesía, a narrativa para nenos e adultos e o ensaio.
O pasado venres, 27 de maio, tivemos a sorte de contar coa súa visita no noso centro xa que durante todo o curso estivemos traballando con unha das súas fermosas obras: "As músicas viaxeiras".
martes, 24 de maio de 2022
Apadriñamento lector
"Para viaxar lonxe non hai mellor nave que un libro"
O pasado venres día 20 de maio fixemos unha xornada de apadriñamento lector no CEIP Eduardo Pondal. O alumnado de 3º, 4º, 5º e 6º de Educación Primaria encargouse de seleccionar libros cheos de historias fascinantes para contarllas aos demais cursos. Foi un momento fermoso onde todo o colexio fixo a mesma tarefa no mesmo lugar e co mesmo propósito: vivir unha auténtica aventura.
mércores, 18 de maio de 2022
Letras Galegas 2022
O Día das Letras Galegas celébrase en Galicia dende 1963 e escolleuse o 17 de maio en homenaxe ao día que se publicaron os "Cantares Galegos" de Rosalía de Castro. No CEIP Eduardo Pondal puxemos en marcha a nosa radio para traballar esta data tan sinalada, facendo especial mención ao homeaxeado de este ano: Florencio Delgado Gurriarán.
.jpg)
O alumnado de quinto e sexto de Educación Primaria elaboraron uns podcast moi chulos simulando un programa de radio. A continuación compartímolos con todos vós.
sábado, 23 de abril de 2022
Recomendacións lectoras no Día do Libro
O venres, os nosos voluntarios lectores espertaron a nosa curiosidade con contos cheos de maxia e curiosidade. Xa sabemos que a lectura ábrenos as portas do mundo que nos atrevamos a soñar, así que agora toca elexir a cal queremos viaxar.
Voluntariado lector facendo recomendacións lectoras ao noso alumnado
mércores, 20 de abril de 2022
23 de abril, Día Internacional do Libro
Chega unhas das datas máis importantes para a nosa biblioteca: o Día Internacional do Libro.
Este ano estivemos traballando cunha actividade proposta polo mestre de Música do noso centro. Trátase da interpretación por parte de todo o alumnado do CEIP Eduardo Pondal dunha canción de María Elena Walsh. Ademáis, representamos a canción con láminas feitas por todos nós nun Kamishibai.
Deixámosvos o resultado final porque é... XENIAL!
martes, 19 de abril de 2022
Obras de teatro curtas do voluntariado
Queremos deixarvos aquí dúas pequenas obras de teatro que fixo o voluntariado da Bibliocrocaio que tratan sobre aspectos a evitar nas nosas vidas. Unha é "La chismosa" e a outra "Acusar sin pruebas" que nos mostra o fácil e é acusar e criticar sen fundamentos e os seus inconvenientes.
Visita Eva Mejuto
Iniciamos este terceiro trimestre coa visita de Eva Mejuto. Durante este curso estivemos traballando co seu gran conto "10 gatiñas viaxeiras" e hoxe, 19 de abril, tivemos a sorte de compartir con ela un ratiño para charlar sobre el.
GRAZAS, EVA, POLA TÚA VISITA!
martes, 12 de abril de 2022
"Os sete cabritos" "Oso atrapabolboretas"
Estes son outros dos contos que o voluntariado de 5º e 6º de primaria prepararon para o noso alumnado.
venres, 8 de abril de 2022
Aula hospitalaria do Álvaro Cunqueiro "Sen cita previa"
A aula hospitalaria do Álvaro Cunqueiro subiu ao seu blog os contos que lles mandamos da nosa Bibliocrocaio, preparados polo voluntariado. e danos as grazas. Deixámosvos o enlace ao seu blog para que vexades o labor tan estupenda que están a facer.
Ánimo e moitas grazas polo voso traballo!
Enlace á entrada dos contos que lles mandamos
Enlace ao blog da aula hospitalaria "Sen cita previa"
domingo, 3 de abril de 2022
Contos do voluntariado de biblioteca. "Cocorico", "iVoy a comedte!"
O voluntariado de biblioteca de 5º e 6º de primaria estiveron este curso a preparar contos para o resto do alumnado do noso colexio. Aquí vos deixamos dous deles que imos compartir coa escola infantil do Hospital Álvaro Cunqueiro.
Club de lectura voluntariado 6º de primaria
No club de lectura de 6º de primaria compartiron a lectura e debate do libro
"As músicas viaxeiras" de Ramón Caride.
Libro que traballaron este trimestre. Unha historia que fala de princesas rebeldes e de músicas ventureiras, que nos lembra que non todos os contos son exactamente como nolo contaban.
Voluntariado da Bibliocrocaio "Con-ciencia e ficción"
Ao longo deste curso todas as aulas participaron de cheo no proxecto conxunto deste curso da Bibliocrocaio.
Con-ciencia e ficción
O voluntariado de biblioteca de 5º e 6º de primaria expuso nos corredores do colexio murais que compartiron co resto do colexio. Aquí vos deixamos dous, un do sistema solar e outro das fases da lúa.
domingo, 27 de marzo de 2022
Visita da escritora María Canosa
Este venres tivemos a visita da escritora María Canosa, autora do libro As pombas de Bastián, recomendado para 3º e 4º de primaria no tríptico de Nadal.
O alumnado destes cursos leron e traballaron este libro na súa aula e o venres puideron recibir a escritora que despois dunha charla asinoulles os libros que trouxeron e tamén o libro de visitas da Bibliocrocaio.
María Canosa, escritora galega de literatura infantil e xuvenil é tamén inxenieira de camiños, canles e portos e participa en varios programas de concursos da Televisión de Galicia.
Na nosa biblioteca podedes disfrutar doutros libros de María Canosa.
venres, 25 de marzo de 2022
21 de marzo: Día da Poesía
O pasado luns 21 de marzo celebramos o Día da Poesía e non hai mellor maneira de traballar este xénero que mediante a obra de Gloria Fuertes, considerada como a Poeta dos Nenos.
Despois de investigar un pouco sobre a súa vida e obra traballamos co seguinte poema dela:
¿cómo se dibuja un paisaje?
Por último debuxamos cada un a nosa paisaxe e fixemos un libriño con todas as nosa creacións para que os nosos compañeiros e compañeiras puidesen velas.
Fíxose unha exposición con algunhas das obras poéticas que forman parte da nosa Bibliocrocaio... son marabillosas!
Subscribirse a:
Publicacións (Atom)