Convidamos a todas as familias do centro a participar no concurso de vídeos curtos de Samaín. Pode ser unha experiencia moi divertida en familia á vez que descubrimos as nosas dotes como directores/as, actrices, actores e guionistas!! O importante coma sempre, pasalo ben cos vosos peques!!!
mércores, 19 de outubro de 2022
martes, 18 de outubro de 2022
NOVIDADES NA BIBLIOTECA
" Cociñando con Bolboretas no Bandullo", un libro de receitas coas que desfrutar de momentos en familia.
Grazas a unha doazón xa dispoñemos no cole da colección "Princesas del Reino de Fantasía" de Tea Stilton que varias alumnos/as nos pediran. Aventuras a raudales!
" Brujas a la moda" . Os libros de bruxas modernas están de actualidade!!!
luns, 17 de outubro de 2022
DÍA DAS ESCRITORAS
O Día das Escritoras é unha iniciativa promovida pola Biblioteca Nacional de España e a súa VIII edición celébrase este ano 2022, o 17 de outubro.
Ilustración de Nuria Díaz.
Para celebralo organizamos unha tarefa na bibilioteca que nos permitiu desfrutar dalgunhas obras realizadas por mulleres que o alumnado ten a disposición no centro.
E para despedirnos, este extracto dunha obra de Paula Carballeira, que nos invita a reflexión dado os tempos que estamos a vivir.
"Houbo unha vez unha guerra.
Despois da guerra, quedamos sen casa.
-Non importa -dixo miña nai-. Temos un coche.
Fomos vivir ao coche.
Desde entón, vivir era viaxar."
Paula Carballeira. O principio. (Kalandraka, 2012)
venres, 14 de outubro de 2022
CABUXAS
Ola cabuxiñas do Pondal.
Sempre é un bo día para desfrutar dos nosos montes. Por exemplo, da Serra do Galiñeiro.
Mirade esta que ben o estar a pasar polas pedras do Galiñeiro!
Se ides desfrutar coma cabuxas polo Galiñeiro facédenolo saber!
Podedes desfrutar das vistas, dos sendeiros, das pedras, do merendeiro, de aire fresco !!!
Boa finde!
Foto de: Cova da Becha (rutasboavista.es)
martes, 11 de outubro de 2022
NOVIDADES NA BIBLIOTECA
" Despistado", unha historía chea de tenrura.
As adiviñas sempre gustan aos peques!
Un libro que te guía para facer as túas maquillaxes. Unha paleta Snazaroo, uns pinceis e mans a obra!
O número 5 da colección Formigas.
Un novo DVD cunha película para desfrutar en familia.
Un libro biográfico de Rosalía de Castro.
Un libro para os amantes do origami.
Subscribirse a:
Publicacións (Atom)