sábado, 12 de marzo de 2022

8 de marzo Día Internacional da Muller

O día 8 de marzo celebramos o Día Internacional da Muller. Na entrada do colexio puxemos un buzón elaborado polo voluntariado de 5º e 6º da Bibliocrocario onde cada alumno e alumna introduciu unha postal de agradecemento a unha muller da súa familia. Tamén investigamos sobre mulleres de distintas épocas e outras actividades sobre mulleres das nosas vidas.














sábado, 26 de febreiro de 2022

Entroido 2022

Seguindo o proxecto deste curso Con-ciencia e ficción centrado no universo, o alumnado do noso colexio comezou a semana de entroido cumplindo as ordes do Meco relacionadas co tema e o venres tivemos a festa de Entroido chea de constelacións, extraterrestres, persoaxes de Star Wars, E.T....

Tamén vimos libros da biblioteca relacionados co entroido en Galicia.

Deixámosvos o vídeo do colexio, coordinado dende Normalización Linguística, cun resumo deste día.







mércores, 23 de febreiro de 2022

Día de Rosalía de Castro

É feliz o que soñando, morre.

Desgraciado o que morra sen soñar.

Rosalía de Castro 

Hoxe, 23 de febreiro, comemoramos no CEIP Eduardo Pondal o Día de Rosalía de Castro; o EDLG propúxonos elaborar entre todos e todas este mural co retrato da tan querida escritora. Adornamos a entrada do noso centro con libros que contan a súa vida e obra, plantas que nos recordan a ela e poemas que lle dan vida. 

Esperamos que vos guste!


O voluntariado da Bibliocrocaio de 6º de primaria elaborou un libro coa biografía e poemas de Rosalía de Castro, que compartiu co resto do colexio.




domingo, 20 de febreiro de 2022

Radio na Biblio co voluntariado de 5º e 6º de primaria

 Este ano tivemos a sorte de ser seleccionados para participar no programa Radio na Biblio; para poder coñecer un pouco o manexo da radio fixemos un obradoiro a cargo de Ponte nas Ondas no que participou o voluntariado de biblioteca de 5º e 6º de primaria. Aprendimos unha morea de cousas e disfrutamos moitísimo. 




domingo, 13 de febreiro de 2022

13 de febreiro, Día Mundial da Radio

 Hoxe 13 de febreiro celébrase o Día Mundial da Radio por iso deixámosvos por aquí a seguinte nova:

O NOSO CENTRO POR FIN FORMA PARTE DO PROGRAMA RADIO NA BIBLIO!

Pois sí, estamos a traballar moi duro para poder crear os nosos propios posts e compartilos con todos vós.

tic, tac, tic, tac...

sábado, 12 de febreiro de 2022

GRAZAS, MICAH!

 O noso auxiliar de conversa rematou a súa andaina no CEIP Eduardo Pondal e ímolo botar moito de menos. Axudounos a coñecer moitas palabras novas en Inglés, ensinounos algunhas das súas tradicións e compartiu con todos nós momentos moi interesantes. Por aquí compartimos algunhas das actividades que fixemos con el. 






venres, 11 de febreiro de 2022

Día da Paz 2022

 O pasado venres 28 de xaneiro celebramos no noso centro o Día Internacional da Paz. Para conmemorar este día, e dende a acción dinamizadora da biblioteca, elaboramos entre todos os nenos e nenas do CEIP Eduardo Pondal un conto que leva por título: Malentendido en A-Marte. 

Compartímolo con todos vós, coidamos que vos guste!

martes, 11 de xaneiro de 2022

11 DE XANEIRO: Día dos usuarios e usuarias das bibliotecas

Con motivo do Día dos usuarios e usuarias das bibliotecas, convidamos as lectoras e lectoras do CEIP Eduardo Pondal a viaxar pola Bibliocrocaio para gozar da lectura, de historias fascinantes e de momentos únicos e cheos de maxia. 

mércores, 22 de decembro de 2021

Bo Nadal

 Chega a época de Nadal e a nosa biblioteca énchese de ideas para celebrar esta data tan especial. 

A  Bibliocrocaio propuxo unha actividade na que os peques tiñan que demostrar toda a súa creatividade: deseñar e elaborar unha bóla de Nadal a modo de planeta. Queredes ver o resultado? Foi marabilloso. 




Doutra banda, o noso andel de novidades de enchéuse de libros e películas que nos transportan a lugares e historias do Nadal cheas de encanto. 


E como non, non podiamos deixar pasar estas datas sen recomendar algunhas lecturas fantásticas a través deste tríptico; a continuación, compartímolo convosco!

https://drive.google.com/file/d/1rSHB2ApupE3o8rArxIRbZMcHFta8KfuS/view?usp=sharing

E sen máis nada que engadir, desexámosvos unhas felices festas e un próspero ano 2022

venres, 17 de decembro de 2021

MES DA CIENCIA

 Compartimos con todos vos un Genially no que podedes visualizar os distintos experimentos científicos que fixemos durante o mes da ciencia no CEIP Eduardo Pondal. Foi unha experiencia fermosa  onde aprendemos moitísimas causas e onde a sorpresa formou parte do noso día a día. 

Esperamos que vos guste.


luns, 6 de decembro de 2021

A taste of the moon

"Facía moito tempo que os animais desexaban saber a que sabía a lúa. Sería doce ou salgada? Tan só querían probar un pedaciño..." 

Pois sí, os máis peques do cole tiveron a sorte de escoitar esta fermosa historia en Inglés e da man do noso auxiliar de conversa. Xa vedes o atentos que estaban e o moito que o disfrutaron!


venres, 3 de decembro de 2021

3 de decembro: Día das Persoas con Discapacidade

O día 3 de decembro, conmemórase o Día Internacional das Persoas con Discapacidade, instaurado pola Organización das Nacións Unidas.

É un día para celebrar, para saír á rúa, para reivindicar, pero sobre todo para dar voz aos desexos de todas as persoas que padecen discapacidade. Nós, dende o CEIP Eduardo Pondal, quixemos recordar este día cuns traballiños feitos a partir do lema "Baixo o mesmo paraugas". 




xoves, 25 de novembro de 2021

Día Internacional da Eliminación da Violencia contra a Muller

As bibliotecas escolares son espazos privilexiados para traballar valores democráticos, de igualdade e cidadanía, espazos únicos para a aprendizaxe da convivencia.

Hoxe, 25 de novembro do 2021, celébrase en todo o mundo o Día Internacional da Eliminación da Violencia contra a muller, e no CEIP Eduardo Pondal recordamos e fixemos actividades especiais para apoiar a todas esas mulleres que, como a gran Clementina, protagonista dun conto fermosísimo, sufren cada día esta lacra. Tamén comezamos a rotar a mochila violeta entre o voluntariado de biblioteca quen ademais nesta data decorou unha das portas do corredor con frases relaionadas coa temática.

ÁNIMO! ESTAMOS CONVOSCO




mércores, 24 de novembro de 2021

Lecturas en Inglés

Este xoves 25 de novembro celébrase en Estados Unidos o "Día de Acción de Gracias" e, dende o noso cole, os peques xa están a traballar coa mestra de Inglés e co auxiliar de conversa, cousiñas desta festividade. 

Por aquí deixámosvos unha mostra dunha destas actividades cun libro moi especial: Turkey Trouble.


mércores, 17 de novembro de 2021

Novidades da Bibliocrocaio

Preme no vídeo para coñecer todas as novidades da Bibliocrocaio relacionadas con proxecto desde ano: 

Con - ciencia e ficción 


xoves, 11 de novembro de 2021

11 de novembro: Día das Librerías

 Por aquí deixamos un pequeno recordo deste día: o Día das Librerías. 

Grazas a todas elas por ter tantos contos que nos deixan a cabeza chea de paxaros


Por aquí vos deixamos unhas imaxes das actividades feitas polos nenos e nenas de 5 anos para conmemorar esta data. Falaron das librerías que coñecían e as buscaron con Google Earth, despois atooparon imaxes delas. Fixérono de marabilla!




martes, 2 de novembro de 2021

Novembro: Mes da Ciencia en Galego nas Bibliotecas

 E temos a sorte de que esta viaxe (a científica) se poida facer dende as bibliotecas, que non só acollen libros e outros materiais, senón que tamén acollen descubrimentos e camiños de aprendizaxe, cos éxitos e tamén os fracasos da ciencia e da tecnoloxía, porque cometer erros tamén é aprender. 

Amparo Alonso Betanzos



luns, 1 de novembro de 2021

Samaín no cole

Este ano no CEIP Eduardo Pondal vivimos un Samaín terrorífico como podedes comprobar no seguinte vídeo... esperamos que vos guste!


 

mércores, 27 de outubro de 2021

Recomendacións lectoras

 Na Bibliocrocaio temos moitísimas novidades do Samaín. 
Visítanos e disfruta de lecturas espeluznantes!

sábado, 23 de outubro de 2021

Inauguración da Bibliocrocaio

  Deixámosvos un pequeno vídeo cos momentos máis especiais da inauguración da nosa biblioteca o pasado venres. Esperamos que vos guste!



venres, 22 de outubro de 2021

Inauguración da Bibliocrocaio curso 2021-2022


Hoxe foi un día moi especial para todo o CEIP Eduardo Pondal, en especial, para  Crocaio. 

As portas da biblioteca do noso centro abriron hoxe dunha forma moi especial: aplausos, vídeos, sorpresas, risas e emoción. 

Que comece a función! 


luns, 18 de outubro de 2021

18 de outubro: Día das Escritoras

FELIZ DÍA DAS ESCRITORAS, EN ESPECIAL DAS GALEGAS! 

Neste día queremos recordar a grandes escritoras como María Canosa, Pilar Grande, Paula Carballeira, Ledicia Costas... 

O 18 de outubro conmemórase o Día das Escritoras, data proposta pola Biblioteca Nacional de España, para facer visible o traballo das mulleres na literatura e combatir a discriminación que tamén sufren neste campo.

Compartimos con todos vós unha imaxe de Pakolas coa que se fai homenaxe a todas e cada unha delas. 


martes, 5 de outubro de 2021

SORPRESA!

 Xa temos data para a apertura da nosa biblioteca! Este ano ven cargada de cousas alucinates, cheas de ciencia e de moita ficción. Estamos desexando que chegue o venres 22 de outubro para ensinarvos todo o que temos preparado para vos.

 ESTADES PREPARADOS E PREPARADAS?




mércores, 8 de setembro de 2021

Un novo ano, unha nova proposta

Este ano a nosa biblioteca abrirá as súas portas baixo o lema 

A biblioteca escolar ten a palabra

Que importantes son as palabras, esas que forman a linguxe, que nos permiten abrir camiños de pensamento, imaxinación, beleza e coñecemento... esas que nos permite SOÑAR!

BENVIDOS E BENVIDAS UN NOVO ANO MÁIS Á NOSA BIBLIOTECA



mércores, 30 de xuño de 2021

Crocaio vos desexa feliz verán.

Este foi un curso especial, pero tod@s soubestes seguir adiante e adaptarse á nova situación.

Crocaio vos desexa feliz verán e vos deixa este vídeo con actividades que fixemos este curso.

Vémonos en setembro!


mércores, 23 de xuño de 2021

Libro colectivo "Inventos de conto"

Este ano, como en cursos pasados, fixemos o libro colectivo de todo o colexio sobre o proxecto anual da nosa Bibliocrocaio:

Inventos de conto

O próximo curso podedes velo con tranquilidade. Grazas a todo o alumnado e as súas familias pola súa colaboración.



Guía de lectura para o verán.

Aquí tedes as recomendacións lectoras que Crocaio vos deixa para este verán.













O curso 2021/2022 chega ao seu fin

Todas as viaxes teñen unha final e ata aquí chegou a nosa. Unha viaxe cargada de ciencia, de experimentos, de ficción e de moita ciencia e f...