Bo Nadal

 Chega a época de Nadal e a nosa biblioteca énchese de ideas para celebrar esta data tan especial. 

A  Bibliocrocaio propuxo unha actividade na que os peques tiñan que demostrar toda a súa creatividade: deseñar e elaborar unha bóla de Nadal a modo de planeta. Queredes ver o resultado? Foi marabilloso. 

Doutra banda, o noso andel de novidades de enchéuse de libros e películas que nos transportan a lugares e historias do Nadal cheas de encanto. 

E como non, non podiamos deixar pasar estas datas sen recomendar algunhas lecturas fantásticas a través deste tríptico; a continuación, compartímolo convosco!

https://drive.google.com/file/d/1rSHB2ApupE3o8rArxIRbZMcHFta8KfuS/view?usp=sharing

E sen máis nada que engadir, desexámosvos unhas felices festas e un próspero ano 2022

MES DA CIENCIA

 Compartimos con todos vos un Genially no que podedes visualizar os distintos experimentos científicos que fixemos durante o mes da ciencia no CEIP Eduardo Pondal. Foi unha experiencia fermosa  onde aprendemos moitísimas causas e onde a sorpresa formou parte do noso día a día. 

Esperamos que vos guste.

A taste of the moon

"Facía moito tempo que os animais desexaban saber a que sabía a lúa. Sería doce ou salgada? Tan só querían probar un pedaciño..." 

Pois sí, os máis peques do cole tiveron a sorte de escoitar esta fermosa historia en Inglés e da man do noso auxiliar de conversa. Xa vedes o atentos que estaban e o moito que o disfrutaron!

3 de decembro: Día das Persoas con Discapacidade

O día 3 de decembro, conmemórase o Día Internacional das Persoas con Discapacidade, instaurado pola Organización das Nacións Unidas.

É un día para celebrar, para saír á rúa, para reivindicar, pero sobre todo para dar voz aos desexos de todas as persoas que padecen discapacidade. Nós, dende o CEIP Eduardo Pondal, quixemos recordar este día cuns traballiños feitos a partir do lema "Baixo o mesmo paraugas". 

Día Internacional da Eliminación da Violencia contra a Muller

As bibliotecas escolares son espazos privilexiados para traballar valores democráticos, de igualdade e cidadanía, espazos únicos para a aprendizaxe da convivencia.

Hoxe, 25 de novembro do 2021, celébrase en todo o mundo o Día Internacional da Eliminación da Violencia contra a muller, e no CEIP Eduardo Pondal recordamos e fixemos actividades especiais para apoiar a todas esas mulleres que, como a gran Clementina, protagonista dun conto fermosísimo, sufren cada día esta lacra. Tamén comezamos a rotar a mochila violeta entre o voluntariado de biblioteca quen ademais nesta data decorou unha das portas do corredor con frases relaionadas coa temática.

ÁNIMO! ESTAMOS CONVOSCO

Lecturas en Inglés

Este xoves 25 de novembro celébrase en Estados Unidos o "Día de Acción de Gracias" e, dende o noso cole, os peques xa están a traballar coa mestra de Inglés e co auxiliar de conversa, cousiñas desta festividade. 

Por aquí deixámosvos unha mostra dunha destas actividades cun libro moi especial: Turkey Trouble.

Novidades da Bibliocrocaio

Preme no vídeo para coñecer todas as novidades da Bibliocrocaio relacionadas con proxecto desde ano: 

Con - ciencia e ficción 

11 de novembro: Día das Librerías

 Por aquí deixamos un pequeno recordo deste día: o Día das Librerías. 

Grazas a todas elas por ter tantos contos que nos deixan a cabeza chea de paxaros

Por aquí vos deixamos unhas imaxes das actividades feitas polos nenos e nenas de 5 anos para conmemorar esta data. Falaron das librerías que coñecían e as buscaron con Google Earth, despois atooparon imaxes delas. Fixérono de marabilla!

Novembro: Mes da Ciencia en Galego nas Bibliotecas

 E temos a sorte de que esta viaxe (a científica) se poida facer dende as bibliotecas, que non só acollen libros e outros materiais, senón que tamén acollen descubrimentos e camiños de aprendizaxe, cos éxitos e tamén os fracasos da ciencia e da tecnoloxía, porque cometer erros tamén é aprender. 

Amparo Alonso Betanzos

Samaín no cole

Este ano no CEIP Eduardo Pondal vivimos un Samaín terrorífico como podedes comprobar no seguinte vídeo... esperamos que vos guste!

 

Recomendacións lectoras

 Na Bibliocrocaio temos moitísimas novidades do Samaín. 

Visítanos e disfruta de lecturas espeluznantes!

Inauguración da Bibliocrocaio

  Deixámosvos un pequeno vídeo cos momentos máis especiais da inauguración da nosa biblioteca o pasado venres. Esperamos que vos guste!

Inauguración da Bibliocrocaio curso 2021-2022

Hoxe foi un día moi especial para todo o CEIP Eduardo Pondal, en especial, para  Crocaio. 

As portas da biblioteca do noso centro abriron hoxe dunha forma moi especial: aplausos, vídeos, sorpresas, risas e emoción. 

Que comece a función! 

18 de outubro: Día das Escritoras

FELIZ DÍA DAS ESCRITORAS, EN ESPECIAL DAS GALEGAS! 

Neste día queremos recordar a grandes escritoras como María Canosa, Pilar Grande, Paula Carballeira, Ledicia Costas... 

O 18 de outubro conmemórase o Día das Escritoras, data proposta pola Biblioteca Nacional de España, para facer visible o traballo das mulleres na literatura e combatir a discriminación que tamén sufren neste campo.

Compartimos con todos vós unha imaxe de Pakolas coa que se fai homenaxe a todas e cada unha delas. 

SORPRESA!

 Xa temos data para a apertura da nosa biblioteca! Este ano ven cargada de cousas alucinates, cheas de ciencia e de moita ficción. Estamos desexando que chegue o venres 22 de outubro para ensinarvos todo o que temos preparado para vos.

 ESTADES PREPARADOS E PREPARADAS?

Estamos a piques de abrir as nosas portas!

Bibliocrocaio está a piques de abrir a súas portas

 

Un novo ano, unha nova proposta

Este ano a nosa biblioteca abrirá as súas portas baixo o lema 

A biblioteca escolar ten a palabra

Que importantes son as palabras, esas que forman a linguxe, que nos permiten abrir camiños de pensamento, imaxinación, beleza e coñecemento... esas que nos permite SOÑAR!

BENVIDOS E BENVIDAS UN NOVO ANO MÁIS Á NOSA BIBLIOTECA

Crocaio vos desexa feliz verán.

Este foi un curso especial, pero tod@s soubestes seguir adiante e adaptarse á nova situación.

Crocaio vos desexa feliz verán e vos deixa este vídeo con actividades que fixemos este curso.

Vémonos en setembro!

Libro colectivo "Inventos de conto"

Este ano, como en cursos pasados, fixemos o libro colectivo de todo o colexio sobre o proxecto anual da nosa Bibliocrocaio:

Inventos de conto

O próximo curso podedes velo con tranquilidade. Grazas a todo o alumnado e as súas familias pola súa colaboración.

Guía de lectura para o verán.

Aquí tedes as recomendacións lectoras que Crocaio vos deixa para este verán.

Diplomas para o noso voluntariado da Bibliocrocaio

Bibliotecas Escolares de Galicia enviou estas bolsas e diplomas para o noso voluntariado de biblioteca de 5º e 6º de primaria, pola súa labor de colaboración na Bibliocrocaio e a realización de actividades de animación á lectura dentro e fóra do noso colexio.

Moitas grazas polo voso traballo ao longo deste curso tan peculiar!!

Voluntariado 5º de primaria

Voluntariado 6º de primaria

Premios Faro da Escola

Esta semana celebrouse a VI Edición Faro da Escola de Faro de Vigo, na que o noso colexio participou como en anos anteriores, recibindo tres premios.

Tedes máis información na web do colexio.

1º Premio á mellor portada.

1º Premio da Deputación de Pontevedra.

1º Premio Vitrasa de movilidade.

Parabéns!!

Viví Escrivá, Premio Nacional de Ilustración 2021

O Premio ás mellores ilustracións infantís e xuvenís, Premio Nacional de Ilustración dende 2008, entrégase en España dende 1978.

A valenciana Victoria (Viví) Escrivá Palacios foi galardoada este xoves co Premio Nacional da Ilustración 2021, pola súa traxectoria de calidade gráfica, que comezou nos anos 70, e por adicar a súa enerxía e experiencia a loitar polos dereitos dos profesionais da ilustración, influíndo en xeracións de lectores.

Su libro Cuando Lía dibujó el mundo, fue seleccionado en el año 2000 como una de las 100 obras de literatura infantil españolas del siglo XX.

Imaxes dalgúns dos seus libros e ilustracións:

Encontro virtual co escritor Xavier Estévez

Esta semana o alumnado de 6º de primaria, tivo o encontro por webex co escritor Xavier Estévez, autor de  Os camiños do vento, libro que traballaron este curso e do cal fixeran Club de lectura.

Argumento: Lucas e Sara regresan á literatura cunha nova historia sobre a amizade e sobre todo aquilo que tece os nosos soños. Comezan o novo curso xuntos no instituto. O cambio a ESO non será doado, e menos cando un novo misterio peta nas súas portas. Unha pequena ladroa de peixe aparece no peirao onde adoitan ir pasear.

Xavier Estévez falou da creación do libro, dos seus persoaxes, é a segunda novela cos mesmos persoaxes, da migración, da amizade...

Inventos ecolóxicos

Ao longo deste curso traballamos, investigamos, buscamos información, elaboramos manualidades... en torno ao proxecto deste ano sobre os inventos.

Inventos de conto

Hoxe, Día Mundial do Medio Ambiente,  queremos deixar algúns exemplos de inventos feitos polo noso alumnado con materiais reciclados.

 

5 de xuño Día Mundial do Medio Ambiente

Hoxe día 5 de xuño celébrase o Día Mundial do Medio Ambiente.

O 5 de xuño de 1974, a Organización de Naciones Unidas (ONU) organizó a primeira gran conferencia de su historia sobre medio ambiente cunha loita ecoloxista. Tres anos máis tarde a ONU nomeou o día 5 de xuño como Día Mundial do Medio Ambiente. Esta data convertiuse nun símbolo ecoloxista. Cada ano celébrase baixo un lema diferente que reivindique problemas e solucións frente á emerxencia climática: desertización, deshielo, consumo sostible, economía verde... e un país é o anfitrión do evento. Este ano é Pakistán, que fixo un gran esforzo para reforestar e que planea plantar 10.000 millóns de árbores nos próximos cinco anos. 

O Día Mundial do Medio Ambiente 2021 céntrase na restauración dos ecosistemas baixo o lema "Xeración Restauración: reimaxina, recrea, restaura"

ONU Medioambiente publicou esta guía práctica onde explica como podemos contribuír para restaurar o planeta. Pinchade no manual.

O noso colexio contribúe ao longo do ano con medidas como: a nosa horta ecolóxica, temos Voz Natura, o coidado das árbores, algunhas das cales prantamos fai un par de anos, o reciclaxe de papel e plástico, elaboración de manualidades con material reciclado...

Relacionado co lema deste ano da restauración dos ecosistemas, o alumnado de 1º e 2º de primaria fixeron un estudo e recreación en plastilina de distintos ecosistemas.

Ao longo deste curso e como proposta do EDLG, fixemos un proxecto sobre as árbores do noso colexio e puxémoslle a cada árbore un código QR que enlaza coa investigación feita por cada aula da súa árbore.

Por último deixamos algúns exemplos de libros da nosa Bibliocrocaio sobre o coidado medio ambiente.