venres, 30 de outubro de 2020

Inauguración da Bibliocrocaio. Xa levamos dez cursos co PLAMBE.

O sábado día 24 de outubro celebrouse o Día das Bibliotecas Escolares, co lema deste curso Bibliotecas. sempre ao teu carón.


As bibliotecas escolares de Galicia seguindo esta liña propuso o lema Xeografías lectoras na biblioteca escolar.

Este curso, debido á situación sanitaria actual fixemos a inauguración da nosa biblioteca de forma virtual. Todas as aulas viron nas súas pizarras dúas proxeccións elaboradas polos alumnos e alumnas:

O alumnado de 6º de primaria elaborou un vídeo coa normativa da biblioteca en base ao protocolo deste ano.


Todas as clases felicitaron a Crocaio polo seu 10 aniversario. 

Xa levamos 10 cursos co PLAMBE



Por último vimos algúns vídeos sobre o tema da proxecto que levaremos a cabo neste curso 

Inventos de conto 

Repartimos, como noutros cursos, as mochilas viaxeiras, as cestas para biblioteca de aula, os carnés, un pequeno regaliño de parte de Crocaio...











venres, 23 de outubro de 2020

Actividades Día das Escritoras

Este luns celebramos o Día das Escritoras. Aquí vos deixamos algunhas das actividades feitas en educación infantil e primaria para este día.                      

En educación infantil lemos o conto Corre, corre cabaciña de Eva Mejuto e despois de coñecela fixeron un debuxo; en 1º e 2º de primaria traballaron o poema A lingua, do libro Cantan os nenos, da escritora Helena Villar ;  en 3º e 4º de primaria leron algúns fragmentos das escritoras que máis coñecían e indagaron nas súas vidas e obras; 5º de primaria biografías e recitados de Silvia Penas, Rosalía de Castro, Concepción Arenal e Yolanda Castro e en 6º de primaria traballaron con lecturas de varios libros de poesías de escritoras galegas, facendo debuxos e escritos.


luns, 19 de outubro de 2020

Día das Escritoras 2020

Hoxe celebramos o Día das Escritoras baixo o lema "O esforzo cotián das mulleres".

Traballaremos obras de escritoras galegas e faremos unha recompilación das actividades feitas que vos amosaremos noutra entrada.




Mentras vos deixamos aquí un par de curiosidades sobre mulleres escritoras.

Sabedes quen foi a primeira muller escritora da historia?

Enheduanna

Fai 50 séculos na antiga Mesopotamia naceu unha muller chamada Enheduanna, é a poetisa máis antiga do mundo, considerada a primeira escritora da historia; así como a primeira música, xa que nos chegaron os seus himnos escritos. Foi a primeira escritora ao escribir en primeira persoa e firmar a súa obra.
Neste vídeo tedes máis información.



E a primeira escritora profesional?

Christine de Pizán

Naceu en Venecia no ano 1364. Foi a primeira escritora profesional e precursora do feminismo na Baixa Idade Media. A escritura era o seu traballo. Escribiu historias de amor e temas de filosofía, política, historia ou o dereito da muller na sociedade.



Por último deixarvos un fragmento do libro de poemas escollidos de Li Qingzhao do século XI, considerada a máis grande poeta china de todos os tempos (traducidos por Pilar González España).













domingo, 18 de outubro de 2020

Miguel Delibes

Onte día 17 de outubro celebrouse o centenario do nacemento do escritor Miguel Delibes. 

Ao longo da súa vida recibiu o Premio Nadal de Novela (1947), Premio da Crítica (1953), Premio Príncipe de Asturias (1982), Premio Nacional de las Letras Españolas (1991) e o Premio Cervantes (1994).

Foi nomeado membro da Real Academia de la Lengua no ano 1973.

Faleceu o 12 de marzo de 2010.

Se queredes acercarvos aos seus libros, tedes aquí algúns títulos que recollen a voz de personaxes infantís.








xoves, 15 de outubro de 2020

MAFALDA: A tira cómica

Hai uns días deixounos o creador da tira cómica Mafalda: Quino, humorista arxentino que publicou tiras cómicas entre os anos 1964 e 1973.

Estes son os seus amigos:



Tiras cómicas:









Pero:

 Quen inventou o CÓMIC ou BANDA DESEÑADA ?

Preme para ter moita máis  información 

Quién inventó el cómic

Se considera a Thomas Rowlandson el inventor del cómic en el año 1809.

¿Quién creó el primer cómic en el mundo?

Rowlandson publica “Los viajes del doctor Syntax”, tal vez o primeiro cómic ou aventura seriada da historia en ter resonancia, e nesa época fan a súa aparición os bocadillos parlantes.
primeira novela gráfica publícase en Suiza. Inspirado en Rowlandson e animado por Goethe, o suizo Rudolph Töpfer publica en 1837 “Las aventuras de Obadiah Oldbuck, un libro de corenta páxinas con varios debuxos en cada páxina e os textos ao pé dos mesmos.
Séguelle o poeta e artista alemán Wilhelm Bush, que en 1859 publica as primeiras caricaturas nun periódico, o Fliegende Blátter, e unha famosa historieta titulada Max y Moritz. En 1867 aparece Ally Sloper, o primeiro personaxe de historieta inglés, creado por Charles Ross.

Cuál es el primer cómic de la historia

Sen embargo, según os canons, o primeiro cómic moderno publicado no mundo, foi The Yellow Kid (O chico amarelo), o 16 de febrero de 1896 no diario The World de Nueva York.

A razón é que foi entón cando comezouse a usar a expresión “cómic para definir a historieta en si.

Nesta páxina atoparás tamén moita máis información e xogos sobre Mafalda:


domingo, 13 de setembro de 2020

Comezamos un novo curso!

Bo día a tod@s

Aínda que algo enmascarad@s pola situación na que vivimos, Crocaio quere darvos a benvida neste inicio de curso 2020-21.

Preparade as vosas mentes para inventar e crear a través dos libros.

Este ano o tema da biblioteca xirará en torno aos inventos. Investigaremos e buscaremos quen inventou a bombilla, a radio, o teléfono... e podedes crear os vosos propios inventos.



Bo comezo de curso.


martes, 7 de xullo de 2020

Feliz verán!

Non queremos despedir este curso sen deixarvos un resumo dalgunhas das actividades do 2019-20 e agradecer ao voluntariado de 5º e 6º de primaria o seu labor na biblioteca, tanto física como virtualmente. E moita sorte para @s de 6º que xa remataron a primaria. Grazas a tod@s.

Tamén fixemos unha pequena montaxe para a que foi coordinadora da Bibliocrocaio durante dez anos, Ángeles Saco, nos que traballou tanto pola nosa biblioteca e á que lle estamos tan agradecid@s.
Esperamos que nos visites moitas veces.

FELIZ VERÁN!




martes, 16 de xuño de 2020

Suxerencias de lectura da Biblio Crocaio para este verán

 
                                                             




De 8 a 12 anos:
 

María e Miguel gustan dos contos que o seu avó Nicolás inventa para eles. Un día pregúntanlle en que se inspira para crealos. El dilles que saen do seu cerebro e que sería capaz de inventar tantas historias como pelos ten na cabeza. Os nenos non perderán a ocasión de retalo para seguir gozando das súas narracións.

                                              Banda deseñada:
                                                               

                                  Primeiros lectores


Familias:
ALÉN-DO-AZUL | misitio

A través de fotografías, ilustraciones y códigos QR con vídeos realizados especialmente para este libro, pasearemos por los paisajes que decoran con sus colores y caprichosas formas los fondos dela Ría de Vigo e iremos conociendo a los habitantes que allí nos encontramos.


            CROCAIO DESÉXAVOS UN MOI BO VERÁN!!

Manualidades de mar






mércores, 10 de xuño de 2020

Un mar de cousas

Collage de Noa de Infantil:

Estupendo traballo  sobre o mar recollido do Blog; Un mar de palabras, está sen rematar porque falta a parte do alumnado que se faría no terceiro trimestre pero é un material recopilado e clasificado con esmero no que hai ditos e refráns sobre o mar da zona de Cartagena en Murcia e un pasapalabra  co código internacional das siñais marítimas no que cada letra a paso a un vocabulario do mar que comeza por ela .