venres, 20 de decembro de 2019

Para ler neste Nadal

Agardamos para o segundo trimestre a visita á Biblio Crocaio de escritores e escritoras dos libros que traballamos nas aula, a ser posible relacionados co Proxecto anual da Biblio: Mergúllate nun mar de libros
O primeiro escritor en visitarnos será ANXO FARIÑA, xa que o alumnado de 5º e 6º  leu o seu libro :


O 23 de outubro de 1702 librouse nas augas da ría de Vigo unha formidable batalla marítima. A Frota da Prata, composta por españois e franceses, tratou de defender de ingleses e holandeses, os seus galeóns, abarrotados de ouro, prata, xoias... 
Os Megatoxos descubrirán nesta aventura que existiu un galeón -o " Indomable " - que non figuraba nos rexistros, e que este portaba unha arma capaz de cambiar o curso da historia. No fragor da loita comprobarán o poder do amor, un sentimento polo que paga a pena o sacrificio.
Un tesouro, un deus da creación e da destrución, unha batalla naval, moitos canóns e unha proposta: mudar o pasado para alterar o presente?
Para aprender historia da nosa cidade e exercitar a imaxinación.

En xaneiro ou febreiro visitará a Biblio Crocaio o poeta ANTONIO GARCÍA TEIJEIRO do que traballaremos en 4º o seu libro:
Premio Nacional de Literatura Infantil e Xuvenil 2017

E en 5º e 6º leremos Vento, ventiño venteiro: 
                                                   
Nestes poemas escóitase o vento que percorre diferentes ambientes e mundos: o mar, o sol e as estrelas, as follas das árbores, as flores e as abellas, os nenos e as nenas. Ventos falangueiros, mentireiros, bailadores; ventos de berce e de aloumiño; ventos magos; ventos e ventiños; ventos a durmir, contadores de estrelas; ventos lacazáns, fungóns, peregrinos, latriqueiros; ventos dos soños.

 En Educación Infantil compraremos o libro:
E contaremos coa súa autora Eva Mejuto, por xentileza de ed. Xerais.

 El abrazo de la sirena traballarémolo en 1º, 2º e 3º. Un fermoso libro que nos conta :
 A clase de Miguel lchega unha nova compañeira, Sabina, que está moi triste, pois  a súa mai  morreu hai pouco. Ela cre que se foia vivir coas sereas, e que desde algún lugar coida dela, algo que provoca risas e comentarios entre algúns nenos. Pero Miguel será  o seu amigo e...

Tamén  en 4º 5º e 6º podedes ler e si conseguimos mercalo moitos a súa autora virá o centro acontarnos como se lle ocurriu esta fermosa e fantástica historia: 

Estes son  libros que deberemos comprar e ler en Nadal.
Aproveitade estas vacacións para disfrutar da lectura un ratiño cada día!!

As familias comparten

O proxecto anual que propoñemos desde a Biblio Crocaio ten como non, a colaboración das familias.
Estupendo traballo o realizado con obxectos de reciclado no que colaboraron nenos e nenas coas súas familias para compartir momentos de lecer creando xoguetes que non se valoran polo seu prezo, nin teñen pantallas interactivas, nin probas que superar pero no que se aprecia o esforzo e a orixinalidade e sobre todo as marabillosas familias que son o eixe do noso centro.

   MOITAS GRAZAS FAMILIAS!!!   SOBRESAÍNTE A TODAS NESTE  TRABALLO!!
Podedes comprobalo:





E para o vindeiro trimestre gustaríanos que pasases polas aulas contando contos , historias de vida, memorias, traballos...preparade nestes días e propoñede unha data aos titores, si pode ser relacionado co mar, coa nosa ría, mellor, pero aceptamos calquer tema...GRAZAS!

mércores, 4 de decembro de 2019

Outras actividades da Inauguración da Biblio Crocaio

 Boletín de Formación de usuarios que todo o alumnado levou a casa, carpetas para levar os libros en préstamo, carnés e agasallos para todos:
Teatro de sombras, representado na Biblioteca para todo o alumnado e profesorado a cargo do profe de música: Cándido Cabaleiro:

Mochilas viaxeiras, repartidas en todas as aulas polo alumnado voluntario de 5º e 6º:
Bolsas e pegatinas:
E por último o Contacontos Iago López con dúas sesións, na dos maiores contoulles o conto: Tarzán de goma. Encantoulles!

sábado, 30 de novembro de 2019

INAUGURACIÓN DA BIBLIOCROCAIO 2019-2020 despois das reformas

Unha biblioteca escolar moi mellorada nestes dous últimos anos, con doble ventanal, tarima flotante, recién pintada, mesas e sillas novas para lectura e para ordenadores, andeis a medida... e por fin chegou o día de inauguración.
 O noso alcalde Abel Caballero cortou a cinta da inauguración, acompañado polo concelleiro de cultura e dedicou fermosas palabra ao alumnado e tamén ao profesorado, aínda que cun chisco de retraso polo que o luns rematemos esta festa coas obriñas de teatro de sombras e co contacontos Iago López.
  Deixamos unha gravación da reportaxe que emitiu Televigo; o diario Atlántico e o Faro de Vigo tamén publicaron a noticia , polo que a BIBLIOCROCAIO e o CEIP EDUARDO PONDAL estivemos onte de sorte!
 
Agora a ler moito e a usar os magníficos xogos, tablets e ordenadores que temos á vosa disposición

xoves, 28 de novembro de 2019

Mañá gran festa da nosa BIBLIOCROCAIO

Mañá día 29 de Novembro, despois de longos días de obras, sempre para mellorar, poñemos en marcha a BIBLIOCROCAIO, cunha gran celebración e con algunha gran sorpresa!
Xuntarémonos ás doce na Biblioteca e o alumnado voluntario repartirá os carnés e carpetas así como as cestas de libros para as aulas, veremos un vídeo sobre a contaminación dos nosos mares e océanos e falaremos das normas  de uso da Biblioteca.
Cantaremos unhas regueifas que ensaiaron os cursos de 5º e 6º no obradoiro de Caruncho e o profe de música preparou dúas obriñas de teatro de sombras na que participa todo o cole : ELMER e ROMANCE DEL CONDE OLINOS.
E para despedir o acto farémolo coa canción de Magín Blanco PEIXIÑOS DO MAR
Así era a nosa Biblio, agora está reformada, podedes pasarvos para comprobalo!



Para ver na casa con calma este  marabilloso documental
de 2010: "Océanos" para concienciarnos de coidar os océanos para que a humanidade teña futuro.
 Tratemos de non contaminalos!



domingo, 17 de novembro de 2019

17 anos do desastre do Prestige

Sucedeu o 13 de novembro de 2002:

En 4º comezamos a ler o libro de Ana Alonso:
¡NUNCA MÁIS! A ollada da infancia sobre a traxedia do Prestige, podes collelo na Bibliocrocaio. 
Debuxos de nenos e nenas neste album publicado en 2003 por Kalandraka, reflexan a influencia da traxedia do petroleiro Prestixe na sociedade galega de hai 17 anos.

domingo, 10 de novembro de 2019

O castiñeiro e as castañas

Souto de castiñeiros, preme e busca toda a información que precises para a túa investigación:
 Que sabes da castaña?

 Preparamos unha cestiña ou cucurucho:











Conto: A castaña que rebentou coa risa