Camiña con nós pola Igualdade é un programa educativo elaborado dende a Concellería de Igualdade do Concello de Vigo, dirixido ao alumnado de Educación Infantil e 2º,4º e 6º de Primaria
. 
mércores, 4 de abril de 2018
OBRADOIRO DE IGUALDADE NA BIBLIO CROCAIO
Camiña con nós pola Igualdade é un programa educativo elaborado dende a Concellería de Igualdade do Concello de Vigo, dirixido ao alumnado de Educación Infantil e 2º,4º e 6º de Primaria
venres, 30 de marzo de 2018
O Ibby (International board on books for young people) chama á conmemoración do Día Internacional do Libro Infantil o día 2 de abril, data de nacemento de Hans Christian Andersen. A responsabilidade do cartel e o díptico deste ano 2018 correspondeulle a Letonia. Ten a autoría do texto a escritora letona Inese Zandere, poeta, editora e activista da promoción da lectura quen titula a súa mensaxe: Os libros fan grande o máis pequeno.
OS LIBROS FAN GRANDE O MÁIS PEQUENO
As persoas tenden ao ritmo e á regularidade, do mesmo xeito que a enerxía magnética organiza as
lascas de metal nun experimento de física, do mesmo xeito que unha folerpa crea cristais a partir de auga.
Xa sexa nun conto de fadas ou nun poema, ás nenas e aos nenos gústalles a repetición, os refráns e os
motivos universais porque poden recoñecerse unha e outra vez; danlle regularidade a un texto. ... Aínda me lembro cando de nena loitaba comigo mesma por defender a
xustiza e a simetría, a igualdade de dereitos para a esquerda e a dereita: se tamborilaba cos dedos unha
melodía sobre a mesa, contaba cantas veces debía golpear con cada dedo para que os demais non se
sentisen ofendidos. Adoitaba aplaudir dando unha palmada coa man dereita sobre a esquerda, pero
pensei que iso non era xusto e aprendín a facelo ao contrario, coa esquerda sobre a dereita. Por suposto,
este afán instintivo de equilibrio resulta gracioso, pero o que mostra é a necesidade de evitar que o mundo
chegase a ser asimétrico. Tiña a sensación de ser a única responsable de todo o seu equilibrio.
A inclinación das nenas e os nenos cara aos poemas e ás historias xorde, do mesmo modo, da súa
necesidade de levar regularidade ao caos do mundo.
Dende a indeterminación todo tende cara a unha
orde. As cancións infantís, as cancións populares, os xogos, os contos de fadas, a poesía... son formas de
existencia ritmicamente organizadas que axudan aos máis pequenos a estruturar a súa presenza no gran
caos. Crean a conciencia instintiva de que a orde no mundo é posible e que todas as persoas teñen un
sitio único nel. ...
Un libro infantil representa o respecto pola grandeza do máis pequeno. Representa un mundo que se
crea de novo unha e outra vez, unha seriedade lúdica e preciosa sen a que todo, incluída a literatura infantil,
é simplemente un traballo moi pesado e baleiro.
Traducción Ana Luna e Antía Marante
Concurso: Un conto de H. C. Andersen en cómic:
mércores, 21 de marzo de 2018
Os bibliotecarios voluntarios agasallaron poemas
1º curso recibiron "A pombiña branca " do libro Fafarraios da escritora Gloria Sánchez, 2º,3º e 4º "A primavera" de Helena Villar Janeiro e 5º e 6º "La paloma" de Rafael Alberti.
Non quedou ninguén sin un poema!
A PRIMAVERA tamén viaxa!
A PRIMAVERA
Unha mañá de cedo
ergueuse a primavera
buscando para o pelo
as flores da lileira.
Para atopar xardíns
púxose de camiño
e avisou aos paxaros
de que fixesen niños.
Tamén buscaba rosas
nos recantos floridos
cando agardan por maio
que está durmido.
-Cabaliño do demo,
Cadeliña de frade,
Canto tempo queda
ata a cidade?
-Un río, dúas pontes,
tres soutos, catro serras,
cinco bosques moi mestos
e seis mil leiras.
Na Biblio Crocaio!
luns, 19 de marzo de 2018
Día mundial da poesía
Selección de lecturas de poesía para este 21 de marzo:
Unha poesía
cada día!
E moooitos máis...Vén á Biblio Crocaio!
Día mundial da poesía.
Crocaio recoméndache Unha poesía
cada día!
Que leva a andoriña
na maleta?
Diñeiro e pasaporte,
cahqueta negra,
lentes de sol,
paraugas,
camisón.
Pasta de dentes
non.
Aínda sendo peixe
parece outro animal
ten nome de mamífero...
é o cabaliño de mar!
No armario máis pequeno
teño tres gatos,
un canciño de seda
e dez lagartos.
Durmen de día
e polas notes traman
mil ousadías!
O Premio Nacional de Literatura Infantil e Xuvenil, Antonio García Teijeiro, recolle en Caderno de fume unha morea de poemas cargados de emoción.
Caderno de fume,
en ti escribirei
os ventos das noites
e non durmirei.
Caderno de fume,
eu vouche contar
mentiras, segredos,
que debes gardar.
Pepablo Patinho propón unha morea de poemas cunha protagonista común.
Temas como as guerras, as fronteiras entre os pobos, o egocentrismo excesivo ou as diferenzas sociais están presentes nos versos de Lúa.
A estación do tren
O tren viaxa todo o ano
de estación en estación
na primavera entre flores
no verán con gran calor
no outono por follas secas
no inverno hai calefacción
domingo, 18 de marzo de 2018
Robótica e pensamento
Todo un éxito! O monitor que formou ao profesorado impartiu tamén unha charla para os pais e mais interesados e a asistencia, interés polo tema e atención foron excelentes!
luns, 12 de marzo de 2018
A golpe de luns!
Hoxe iniciamos as actividades de Faro da escola e asistimos no auditorio Cidade de Vigo xunto con outros moitos coles, á presentación do programa FARO DA ESCOLA
Entre todos elaboramos unha entrevista a dous personaxes de actualidade: o monologuista de Salceda de Caselas David Amor e a actriz viguesa Celia Freijeiro, cada cole fíxolles unha pregunta á que moi amablemente responderon.
Un xornalista anotaba as respostas e o debuxante Luis Dávila facía as súas caricaturas a un tempo.
Angel e Pelayo preguntaron a David a súa opinión sobre a igualdade de xénero no deporte.
A partir de agora toca o traballo de xornalistas nas aulas, para sacar adiante o noso FARO DA ESCOLA
Entre todos elaboramos unha entrevista a dous personaxes de actualidade: o monologuista de Salceda de Caselas David Amor e a actriz viguesa Celia Freijeiro, cada cole fíxolles unha pregunta á que moi amablemente responderon.
Un xornalista anotaba as respostas e o debuxante Luis Dávila facía as súas caricaturas a un tempo.
Angel e Pelayo preguntaron a David a súa opinión sobre a igualdade de xénero no deporte.
A partir de agora toca o traballo de xornalistas nas aulas, para sacar adiante o noso FARO DA ESCOLA
MOCHILA VIOLETA EN QUINTO:
Anuncimos para o mércores 14 unha charla na BIBLIO CROCAIO para pais e nais que o desexen:
xoves, 8 de marzo de 2018
Subscribirse a:
Publicacións (Atom)