mércores, 20 de decembro de 2017

Onde andan os Reis magos na lingua de signos , interpretada por 5º e 6º:
https://drive.google.com/file/d/1LdPoOU1SYYXMDDccenqhLqIweHYUNWqH/view?usp=sharing

CROCAIO QUERE COMPARTIR CON VÓS OS MELLORES DESEXOS DE PAZ, ARMONÍA, SAÚDE E BOAS LECTURAS PARA ESTE NADAL E PARA O VINDEIRO ANO 2018!

LEMBRADE QUE Para viaxar lonxe non hai mellor nave que un libro. E. Dikinson

Recomendacións para agasallar e ler en Nadal



Postais de todas as cidades do mundo en Nadal




 Moitas grazas a papis e mais pola vosa colaboración!

Campaña de Nadal

A Biblio Crocaio sumouse á iniciativa do Departamento de Normalización Lingüística de recollida de alimentos para os máis necesitados nestas datas de Nadal e intercambiar unha unidade  de alimento por un libro procedente do expurgo da biblioteca, libros usados e descatalogados pero non por iso menos interesantes. O resultado foi moi satisfactorio.
Moitas grazas a todos os que colaborastes!!

Os alimentos serán donados ao Banco de alimentos de Vigo mañá venres.

luns, 18 de decembro de 2017

Biblio Crocaio Solidaria


Martes 19: cambiamos un kilo por un libro
Campaña de solidariedade para recoller alimentos que donaremos ao Banco de Alimentos de Vigo.
Levaredes un libro  de agasallo todos os que traiades un kilo ou unha unidade de alimentos non perecedeiros.
Colabora tamén no Nadal cos que máis o necesitan!

xoves, 14 de decembro de 2017

Xa nos tardan...

A ensaiar para cando veñan ao cole!
E para que fagades n pouco de Karaoque mirade que versión en lingua de signos fixeron no cole Escultor Acuña de Vigo. Parabéns!

mércores, 6 de decembro de 2017

PREPARA CON PAPÁ E MAMÁ A TÚA POSTAL DE NADAL

APROVEITADE ESTES DÍAS PARA FACER A VOSA POSTAL COLABORATIVA , FAMILIAR, PARA AXUDAR Á DECORACIÓN DO COLE POLO NADAL.

AQUÍ TEDES O POEMA DE GLORIA FUERTES "Como se hace una estrella"QUE VOS PODE DAR ALGUNHA PISTA PARA O VOSO TRABALLO


Novembro mes da ciencia na Biblio Crocaio


A Biblio Crocaio tivo durante este mes a disposición das aulas, ademais da selección de libros de experimentos fáciles, a "CAIXA DA CIENCIA" que contén moito material do que se precisa para facer pequenos experimentos nas aulas. Contido da caixa: imáns, poleas, cinta métrica, dinamómetro, lupa, minerais variados, maizena, fairy, pementa, sal, e utensilios como culleres, probetas, pratos, globos, gomas elásticas, corchos, papeis de ph e outros materiais para facilitar a preparación de pequenos experimentos de ciencia nas aulas ou simplemente a manipulación da lupa, imáns... 
Esto propiciou experimentos coma estes:

-Fluido no newtoniano                                                -Pementa que fuxe                                      
 
EXPERIMENTA!!

domingo, 3 de decembro de 2017

6 de Decembro Día da Constitución

                                       Libro LIM para preparar o Día da Constitución
                                          A nosa Constitución cumple 39 anos!

luns, 27 de novembro de 2017

Visita do poeta FRAN ALONSO


Fran Alonso despois da súa marabillosa charla sobre A POESÍA, na que leu versos dos seus libros e falou das palabras, a maxia , o silencio e a música como as catro patas da poesía, as palabras aumentan de tamaño como un globo cando facemos poesía...despois da súa charla prestouse amablemente a contestar as preguntas dos nenos e nenas e enterámonos de que ten un gato chamado Tormenta e un can chamado Nube, de que viaxou moito e fixo moitas fotos coas que despois ilustraría os seus libros, que estudou nun cole no que "non tivo tanta sorte coma nós" porque non deu con ningún profe que o achegara a libros interesantes e a súa formación en lectura veu máis tarde, animounos a escribir poesía e dixo que a fórmula para facer bos poemas é facer moitos.
Moitas grazas Fran, gústannos moito os teus poemas!

                                                 






domingo, 26 de novembro de 2017

O poeta FRAN ALONSO visita o luns a BIBLIO CROCAIO

Por xentileza do programa Faro da Escola, este luns visitará a nosa biblioteca  poeta galego FRAN ALONSO para falar do seu libro O meu gato é un poeta de edicións Xerais

"Leo par a vivir máis vidas que os gatos"

Fran Alonso naceu en Vigo en 1963, combina o seu traballo nunha editorial coa súa faceta de escritor e sobre todo poeta, ten multitude de obras publicadas, moitas delas de poesía:
No seu libro O meu gato é un poeta, fai poemas divertidos   xogando coas palabras, coa imaxen dun gato que o acompaña ata o remate pero tratando temas coma o amor, o mar, as viaxes, a propia poesía...É un libro divertido para todas as  idades porque a poesía cura todo, os nervios, a dor de cabeza, as perrenchas...
Fran Alonso propón ao lector que xogue  coas palabras, que forme rimas e compoña versos, se vos atrevedes ....aínda estades a tempo de mercar o libro e traelo o luns para que o autor o asine.
Imaxes, palabras, rimas e xogos compoñen este libro divertido e fan que a poesía "como un globo azul que se incha " encha as palabras de significado e encha as aulas de versos...
             Palabras
 O
                        Esperanza        
 S
 Í
          AMOR


25 N en E. Infantil

25 N nas aulas de Educación Infantil

Contacontos voluntarias!

mércores, 22 de novembro de 2017

25 N Día Internacional contra la violencia de género

Cada ano morren ducias de mulleres a causa da violencia de xénero. Desde a escola e desde a familia debemos contribuir a erradicar esta cruel realidade educando en igualdade, respecto e resolución pacífica de conflictos. Desde moi novos deben compartir experiencias sen discriminación algunha.

Proposta de actividades:

Na honra das irmáns Mirabal, tres irmáns  da República Dominicana asesinadas por ideas políticas en 1960, o 25 de Novembro  foi declarado día internacional para a eliminación da violencia contra a muller.

MULLERES SOÑADORAS-ACTIVIDADE INTERACTIVA


PUZZLES INTERACTIVOS MULLERES EXTRAORDINARIAS:


IGUALDADE DE XÉNERO E PROFESIÓNS:

CONTOS:





Curtas sobre valores, elixe as túas preferidas...
.compartido desde o blog da biblioteca do CEIP Vicente Otero Valcárcel

Obradoiro de igualdade: 2º, 4º e 6º cursos

A Biblio Crocaio acolleu hoxe o obradoiro:
Camiña con nós pola IGUALDADE
que nos ofrece a Concellería de Igualdade do Concello de vigo

Mulleres e homes xuntos damos un paso adiante pola igualdade: os mesmos dereitos e as mesmas oportunidades. 
Reflexionamos sobre os avances en igualdade durante todo o século XX, desde 1900 ata hoxe, o voto da muller, a muller e a patria potestade , a muller na universidade , a separación por sexos na educación, as mulleres xuízas, pilotos de avión ou conductoras de autobuses e camións. Falamos dos estereotipos que temos que recoñecer para poder superar porque os homes tamén choran e as mulleres tamén son fortes, valientes e tenaces e porque non existen xoguetes de nenos e xoguetes de nenas , só xoguetes e rematamos con este vídeo
que aparece na páxina:
http://www.farmaceuticosmundi.org/farmamundi/index.php?opcion=noticias&noticia=1195
que nos alerta sobre as desigualdades sociais hoxendía. 
Moitas grazas Elsa polo teu fabuloso Obradoiro de IGUALDADE.

mércores, 15 de novembro de 2017

Novembro mes da CIENCIA

Desde a Consellería de Cultura, Educación e Ordenación Universitaria vaise impulsar a celebración anual do mes de novembro como MES DA CIENCIA EN GALEGO NAS BIBLIOTECAS
Recompilación de materiais de ciencia en galego:

                                             
Libros, vídeos, experimentos e moitos máis materiais para traballar CIENCIA en galego:
                                            

         https://www.pinterest.es/bescolaresgal/ciencia-en-galego-nas-bibliotecas-libros-informati/

mércores, 8 de novembro de 2017

Os BOMBEIROS visitan a Biblio Crocaio

Dentro do programa Vigo Educa en Seguridade do Concello de Vigo, dous bombeiros do parque de Vigo impartiron unha charla sobre seguridade ao alumnado de 5º e 6º e informáronnos da súa próxima xornada de portas abertas o día 27 de Novembro, para recoller o posible para o Banco de Alimentos de Vigo.
Tratan de que o alumnado difunda a información recollida hoxe nas súas casas para que chegue ao maior número de persoas. Con ese fin tamén agasallaron á Biblio con cinco exemplares do libro Os Bolechas van ao parque de Bombeiros, para que os maiores o conten nas aulas dos pequenos, cousa que faremos moi pronto.




 Tamén visitaron a aula de 4 e 5 anos que está realizando un proxecto sobre o lume , os bombeiros...
Moitas grazas pola vosa amabilidade!

A escritora viguesa LEDICIA COSTAS premiada por segunda vez co Premio LAZARILLO

Ledicia Costas: PREMIO LAZARILLO 2017 DE CREACIÓN LITERARIA  coa obra presentada baixo o lema "Plumas e unicornios" que será publicada en Xerais co título "A balada do unicornio"

É a segunda vez que gana este premio, xa que o recibiu  en 2015 por  "A vida secreta das mulleres planta"
Premio otorgado pola OEPLI: Organización Española para el libro infantil y juvenil, Ministerio de Cultura, que tamén ganaron outros escritores galegos como Marcos Calveiro, María Solar, Agustín Fdz. Paz, X. A. Neira Cruz, An Alfaya...
                        Moitos parabéns Ledicia!!!
Aquí a tedes no 2015 cando visitou a Biblio Crocaio: