O Crocaio de Sampaio

sábado, 28 de febreiro de 2015

Aprende a xogar ás

DAMAS CHINAS

venres, 27 de febreiro de 2015

Recital de poemas para Rosalía

Vimos o fermoso video que realizaron os alumnos e alumnas de 5º curso tomando como guión o libro Rosalía de Helena Villar Janeiro que aínda non temos o pracer de poder mostrárvolo.

Despois curso a curso recitamos poemas, adiviñas , versos de Rosalía, da maleta de poesía e incluso algún neno de 6º recitou un poema seu. Todo en honra da máis grande poeta galega.

Rosalía , alá onde esté , tivo que sentirse moi orgullosa hoxe do bo traballo do alumnado e profesorado do CEIP Eduardo Pondal. Crocaio estivo moi ledo e atento!!

mércores, 25 de febreiro de 2015

Así foi a visita da escritora Ana Alonso:

Residente en Ciudad Real, Ana Alonso pasa unha semana en Galicia para visitar colexios nos que os nenos e nenas disfrutan coa lectura dos seus libros.
Os nenos e nenas de 3º e 4º cursos do Eduardo Pondal estiveron moi atentos á súa charla inicial, que acompañou con imáxenes proxectadas dos seus libros, da ilustradora Lucía Serrano, parte importante dos seus libros...

Despois contestou moi amablemente a todas as cuestións que foron surxindo dos alumnos e alumnas que saíron moi satisfeitos deste emocionado encontro.
Seguro que leremos máis libros seus que xa están expostos nos andeis da Bibliocrocaio.
Moitas grazas á escritora Ana Alonso por achegarse ao noso cole!!
Ollade esta montaxe resumen:

Ana Alonso: escritora de contos, poeta..visita a BIBLIOCROCAIO 25 de febreiro 2015 on PhotoPeach

Hoxe visíta a Bibliocrocaio a escritora Ana Alonso

Ana Alonso: autora de Como hablar con tu robot,

libro que lemos os cursos de 3º e 4º.

"Lucas quere entrenar ao seu robot como se fora humano , pero alguén lle bota un feitizo e comeza a falar con frases feitas que o robot non entende creando situacións cómicas e aprendendo o doble sentido de moitas destas frases..."

Ana Alonso

naceu en Tarrasa (Barcelona) en 1970, aínda que viviu en León, onde estudióu Ciencias Biolóxicas. Publicóu oito libros de poemas e recibiu moitos e moi importantes premios literarios.

Nós destacamos a colección que máis coñecemeos: PIZCA DE SAL:

A súa obra foi traducida a moitos idiomas : francés, alemán, xaponés, turco etc...

Moitas Grazas Ana pola túa presenza!!!

Desexámosche moita sorte cos teus libros e que sigas así, fomentando a lectura coas túas

espectaculares

historias

.

Un bico de CROCAIO:Muaaac!

sábado, 21 de febreiro de 2015

Rosalía de Castro: galega universal.

Facémoslle un agasallo a Rosalía?

A Asociación de Escritor@s en Lingua Galega AELG promove a conmemoración o día 24 de febreiro, do DÍA DE ROSALÍA DE CASTRO, aniversario do nacemento da autora.

Na BIBLIOCROCAIO para celebrar este día propoñémosvos que ao longo da semana recollades na Biblio un marcapáxinas co poema O Moucho, que escoitedes a canción de Migallas do seu disco Pan de millo e que debuxedes moitos mouchos e os baixedes para encher o mural homenaxe.

Esta é a canción de Migallas, escoitade para pillar o ritmo!!

O MOUCHO forma parte dun poema máis longo do seu libro CANTARES GALLEGOS .

Esta é a montaxe do poema, estade atentos para entender esta
historia de medo en forma de poema:

Outros poemas:
Negra sombra

Cando penso que te fuches,
negra sombra que me asombras,
ó pé dos meus cabezales
tornas facéndome mofa.

Cando maxino que es ida,
no mesmo sol te me amostras,
i eres a estrela que brila,
i eres o vento que zoa.

Si cantan, es ti que cantas,
si choran, es ti que choras,
i es o marmurio do río
i es a noite i es a aurora.

En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.

Rosalía de Castro
(Follas novas, 1880)

Adiós , ríos; adiós, fontes;

Adiós, regatos pequenos;

Adiós, vista dos meus ollos,

Non sei cando nos veremos.

Rosalía de Castro

(Cantares Gallegos,1863)

Paseniño, paseniño

vou pola tarde calada

de Bastabales camiño.

Camiño do meu contento;

e en tanto o sol non se esconde

nunha pedriña me sento.

E sentada estou mirando

como a lúa vai saíndo,

como o sol se vai deitando.

Cal se deita, cal se esconde

Mentras tanto corre a lúa

Sen saberse para donde.

Para donde vai tan soia

Sin que ós tristes que a miramos

Nin nos fale nin nos oia.

Que si oirá e nos falara

Moitas cousas lle dixera

Moitas cousas lle contara.

Rosalía de Castro

(Cantares Gallegos,1863)

Se o mar tivera barandas

fórate ver ó Brasil;

máis o mar non ten barandas,

amor meu, ¿por dónde hei de ir?

Rosalía de Castro

(Cantares Gallegos,1863)

Tamén podedes botarlle unha ollada a estes videos que informan sobre a obra e a vida da poeta máis universal en lingua galega e castelán: Rosalía de Castro.http://rosaliadecastro.org/planeta-rosalia/

Un dos seus poemas "rapeado":

venres, 20 de febreiro de 2015

A Crocaio gustáronlle moito os libros....que vos agasallaron no Nadal!!

https://www.superpadres.com/blog/10-claves-para-motivar-a-los-hijos-a-leer/

xoves, 19 de febreiro de 2015

Visitarannos os autores e autoras:

Fichas de lectura:
Escarlatina a cociñeira defunta . Ledicia Costas
http://www.xerais.es/catalogos/proyectos_lectura/XG00213701_9999977839.pdf

Como hablar con tu robot. Ana Alonso
http://www.anayainfantilyjuvenil.com/catalogos/proyectos_lectura/IJ00423701_9999979311.pdf

Laura y el ratón. Vicente Muñoz Puelles
http://www.anayainfantilyjuvenil.com/catalogos/proyectos_lectura/IJ00011902_1.pdf

luns, 16 de febreiro de 2015

Chegou a "Maleta de POESÍA"

Cargadiña de libros de poesía, chegou desde o Centro de Recursos de Vigo para quedarse ata o día 2 de marzo e así poder celebrar o día de Rosalía, o 24 de febreiro, con nós.
Crocaio está encantado e xa a revolveu un par de veces pero andivo moi liado co entroido e esqueceu avisarvos.