23 de Abril: Día Mundial do LIBRO

O 23 de abril é  o Día Mundial do Libro e dos Dereitos de Autor desde a súa declaración pola UNESCO. 
A Consellería de Cultura  publica un pequeno marcapáxinas para lembrar esta data, cun texto inédito dunha autora ou autor que xenerosamente o cede para as Bibliotecas Escolares de Galicia.  Nesta ocasión o texto que inclúe  é do escritor Paco Martín, de quen se cumpren 30 anos desde a publicación do seu libro "As cousas de Ramón Lamote", primeiro premio Barco de Vapor, da Editorial SM para un texto en galego. 

O código secreto que permite o acceso á sala de 
mandos da nave espacial exploradora de futuros 
itinerarios siderais.
A bambeante escada de corda e táboas coa que 
abordar o áxil bergantín no que sucar mares ignotos 
na procura do eterno tesouro da ilusión.
 A estribeira na que pousar o pé para cabalgar o 
airoso alazán de galope tendido cara ao horizonte 
promisorio. 
A fiestra aberta ao ar vivificador, franca aos saberes, 
ao pensamento diverso, ao voo da imaxinación, á 
descuberta venturosa de novos mundos, ao espello 
substancial do propio ser....
O libro! 
                                           Paco Martín

Crocaio, pasou esta semana pensando libros fermosos e moi útiles para o boletín do Día do Libro, todos están relacionados co noso proxecto : a pintura  e case todos están na BIBLIOCROCAIO, aínda que si algún che gusta moito podes achegarte a calquer librería e mercalo, non te arrepentirás!
Son para todas as  idades:
  Preme en cada libro para ter máis información.

E ademais recomendamos  este fermoso libro-cd-dvd que reúne fotografías, músicas  baixo a dirección da cantante galega  Uxía.

Recomendar tamén unha peli que se estrena o día 25 de abril:

ABRIL, mes do libro

Grazas á Biblioteca escolar do CEIP Víctor Sáez por poñer ao noso alcance este  fantástico traballo no que hai un xogo sobre libros e ao mesmo tempo preséntanos a obra de Gonzalo Moure Trenor, o escritor que teremos moi pronto na Bibliocrocaio:

Día do libro Gonzalo Moure 

XOGOS PARA APRENDER ARTE

Divertida montaxe para promocionar a canción pero atrévete a chegar ata o final porque
 SEGURO QUE COÑECES ALGÚN DESTES CADROS!:
Premendo nas meninas entras na páxina para practicar estes días as manualidades:

/

COLORES COLORES da editorial KOKINOS, estupendo libro que atoparás doadamente nos recunchos de arte de calquer librería ou biblioteca, fíxate que estupenda portada:

Xoga agora coas cores  da Tate Galery, o museo de arte contemporánea de Londres, un xogo superfácil para colorear:

Pero si queres quedar máis perto aqui tes un xogo de memoria que nos propón o Museo do Prado de Madrid:

·El jardín de las delicias:
El jardín de las delicias é  unha das obras máis coñecidas do pintor holandés Hieronymus Bosch (El Bosco). É un tríptico pintado ao óleo sobre táboa de 220 x 389 cm a táboa central e 220 x 97 cada unha das dúas  laterais (pintadas nos dous lados) que se poden pechar sobre aquela.

Contos de colores

ELMER
Pequeno Azul, pequeno amarelo

Premio Barco de vapor 2014

El tesoro de Barracuda de Llanos Campos

A escritora viguesa Alicia Borrás visitou a Bibliocrocaio

E compartiu con nenos e nenas de Educación Infantil e de 1º curso uns momentos de cancións, risas, apertas...todo o que poideron xogar co seu libro. 
Un encontro agardado que levaban preparando coa lectura do nseu libro " O señor corpo quere xogar".
Alicia Borrás propón aos máis pequenos con este libro, descubrir as partes do corpo e as súas funcións.
Despois de falar, recitar, cantar e bailar todos coas rimas do seu libro, sacou ao seu peluche o pato Pico e con el falounos das partes do corpo dun ave , diferentes do corpo humano.
A continuación asinou exemplares da súa obra facendo en  cada libro un dibuxo diferente. Asinou tamén no libro de visitas da Biblio.
Só nos queda dicirlle: MOITAS GRAZAS,  ALICIA, PASÁMOLO MOI BEN!!

Qu é o AUTISMO?

Tamén había globos na BIBLIOCROCAIO

Presta moita atención a este entretido capítulo de Caillou no que se explic COMO SE SINTE UNHA PERSOA AUTISTA:

PARA AXUDARLLE A COMPRENDER : TARXETAS VISUAIS:

Hoxe, 2 de abril, día do libro infantil e xuvenil

Para este día que mellor que a canción  que nos fala do libro como fondo das imaxes da lectura compartida  do 1º Ciclo do mes de marzo
Aprendete a  letra da canción de Pablo Díaz: UN LIBRO, é superfácil! Dí así:

Un libro está sempre comigo
e así pode ser o meu amigo.

Hai que ter un libro a carón da cama
 para poder ler toda a semana,

E nas bibliotecas pódennos prestar 
os fermosos libros que nos fan soñar 

 Un libro está sempre comigo 
e así pode ser o meu amigo...

Lectura compartida 1º Ciclo con E. Infantil. Marzo 2014 on PhotoPeach


CROCAIO prestounos, para ensinarvos hoxe, un dos seus libros preferidos:

 VAMOS A BUSCAR UN TESORO  de Janosch. Alfaguara editorial.
Este está en castelán e xa ten moitos anos!
 E  é a historia dun pequeno oso e dun pequeno tigre que buscaban a felicidade. Eles pensaban que a felicidade era ser ricos para poder comprar todo o que quixeran. Así, decidiron buscar un tesouro.

Pero... dun xeito sinxelo, compartindo as súas cousas cos amigos, disfrutando das pequenas cousas da vida, pequeno oso e pequeno tigre encontraron a felicidade escoitando como 
cantaban os paxaros na súa casa.

Tamén o tedes en galego en Kalandaka:
.

 Si queredes  coñecer mellor a Janosh, oautor deste maravilloso libro fai click aquí. Google 

Tamén temos as aventuras dos seus personaxes no seguinte video que está en inglés pero ten abaixo a
traducción  así tamén practicades ....

2 de abril: Día Internacional do Libro infantil e xuvenil

 DÍA INTERNACIONAL DO LIBRO INFANTIL

 Dende o ano 1967 vense conmemorando o Día Internacional do Libro Infantil, coincidindo coa data de nacemento do escritor danés HANS CHRISTIAN ANDERSEN, autor, entre outros contos, de O parruliño feo, A sireniña, A pequena vendedora de mixtos, O traxe novo do emperador.
Celébrase para inspirar amor pola lectura e para chamar a atención sobre os libros para nenos

Preme na imaxe do cartel que realizou Niamh Sharkey e poderás ler a Carta aos nenos do mundo que escribiu Siobhán Parkinson.

Escoita a canción de Pablo Díaz   titulada : O LIBRO:

Lecturas compartidas Marzo

Na HORA DE LER:
  Os pequenos de 1º curso leron aos de Infantil de 3 anos o poema
 De que cor? do libro-disco Cartas que veñen e van de Mamá Cabra
preme no libro para escoitar a canción

Os de 3º curso leron aos de 1º  A historia da Reconquista de Vigo dos Bolechas e informáronos moi ben deste acontecemento que se festexaba o venres 28.

4º curso escolleu o libro El mar a rayas da colección A Fortiori lendo entre todos a 1º curso este libro   que nos conta como hai quen toma a opción de separarse como opción posible para vivir mellor ao non poder vivir xuntos.

5º e 6º curso leron a 2º curso curiosidades animais que os tiveron ben atentos!

E 2º leu a infantil de 4 e 5 anos.

Un grande éxito as lecturas compartidas na Hora de ler, unha vez ao mes intercambiámonos para lerlles a outros cursos unha lectura fermosa, entretida, con canción incluída ..esforzándonos cada vez máis por facelo mellor...

Sábado e domingo no Salón do libro

Destacamos para esta fin de semana no PAZO DA CULTURA DE PONTEVEDRA:
SÁBADO 29 de marzo

11.30 h
Obradoiro. Flores con cookies Daniel Diéguez
Deseñaremos e crearemos flores en pasta de galleta.
De 8 a 11 anos. Prazas limitadas (35)

12.30 h
Gatuxo Magín Blanco
Espectáculo fusión de música, cantigas, teatro,
contacontos, clown, manipulación de obxectos...

12.30 h
Contacontos. Comendo ContosAndrea Bayer
Prenderemos os fogóns para cociñar os contos que
farán as delicias de pequenos e grandes.

De 17.30 a 19.30 h
Obradoiro. Adiviña a que cheiran as nosas 
hortas?
APEGA (Asociación de produtor@s ecolóxic@s galeg@s)
Percorreremos os aromas das nosas hortas a través de
cheiros gardados en envases. Cantos recoñeceremos?

17.30 h
Contacontos. Certame mundial de cociña

18.00 h Gatuxo Magín Blanco


Espectáculo fusión de música, cantigas, teatro,
contacontos, clown, manipulación de obxectos...

DOMINGO 30 de marzo

12.00 h
Ciclo cine infantil
Sesión documental mixta
· Safari, (10min). Ata dez anos.
· A deus, (4,30min). Ata dez anos.
· Ayla, a nena do tsunami, (15min). + 10 anos.
· Cambio de colexio: o colexio libre, (15min). + 10 anos.
· Xenial! Adrián baila. (15min). + 10 anos.
 Entrada libre ata completar cabida
12.30 h
Contacontos. Comendo Contos Andrea Bayer

17.30 h
Contacontos. Gregorio, cociñeiro de soños
Polo correo do vento
Gregorio é un cociñeiro moi especial; elabora pratos
cuns ingredientes máxicos que fan soñar os comensais.

17.30 h
Obradoiro. Piruletas de chocolate
Elaboraremos as nosas propias creacións e levarémolas
a casa.
18 h
Gatuxo Magín Blanco

Espectáculo fusión de música, cantigas, teatro,
contacontos, clown, manipulación de obxectos...

18.30 h
Sopa de sapoTalía Teatro
Espectáculo teatral para aprender os mellores
trucos e segredos das malas artes culinarias.

Visita aos nenos e nenas de INFANTIL na BIBLIOCROCAIO a escritora : ALICIA BORRÁS

O día 4 de abril, ou sexa moi pronto, estará cos máis pequenos, 3, 4 e 5 anos,
  a escritora Alicia Borrás Sanjurjo, un encontro moi esperado polos peques 
que leron e xogaron co seu libro O Señor corpo quere xogar. 
Ilustrado magnificamente polo artista Rodrigo Chao. Alicia propón co seu
 libro descubrir as partes do corpo humán e as súas funcións.

Se aínda non tedes o libro estades a tempo de pedilo. É da editorial Xerais.

A autora vai firmar os libros un por un cunha pequena dedicatoria.

O libro foi Premio Lazarillo 2010 de literatura infantil a nivel de toda España.

Autora doutro estupendo libro que lemos no 3º ciclo e que tamén nos gustou 
moito: Nata y chocolate


 Rodrigo Chao :

Ilustrou tamén estoutro libro tan familiar para nós:

Acoso escolar, como detectalo.

Charla na BIBLIOCROCAIO: D. LUIS  LUACES , POLICÍA EXPERTO  EN PROBLEMAS  DE
SEGURIDADE e CONVIVENCIA, ofrecerá
 unha charla para PAIS e NAIS  sobre 

                               ACOSO ESCOLAR      

 MARTES 25 de MARZO, as 16:30h. na BIBLIOCROCAIO. 

Hoxe domingo, no salón do libro en Pontevedra.

SALÓN DE ACTOS DO PAZO DA CULTURA
Público familiar. Entrada libre ata completar cabida
12.00 h 
Contacontos. Contos que alimentan
Raquel Queizás (Queliña)

17.30 h 
Obradoiro. ÑAMM!!
Babaluva Títeres Títeres con alimentos. De 6 a 14 anos.

 18.00 h
Ciclo cine infantil: A conferencia dos animais

 Película de animación en versión orixinal. Singular posta 
en escena da actriz Iria Pinheiro que dobrará a película 
en directo, interpretando as voces de cada personaxe.

18.00 h: Saborear os sons dos libros. Paulo Lameiro

E un pouquiño máis tarde tedes ao contacontos coñecido de todos nós porque viositou a Bibliocrocaio:
O Carballo con Botas

18.30 h 
Contará o conto: O pescador de contos e a Xacia Luviñas
Un pescador de contos enriba dun batuxo, unha barca 
tradicional do Miño, ensina a nenas e nenos a pescar e 
cociñar as historias que viven nos ríos.

Poesía e primavera

O libro de poesía de X.  Neira : Un niño no xardín de Xerais  foi o protagonista do día da poesía na Bibliocrocaio. Del é o poema que hoxe percorreu as aulas de todo o cole desde 3 anos ata 6º de primaria aunciando que xa chegou a primavera e que, como si fose un pintor coa súa paleta encheu de cores o val e a montaña.
A primavera
Xa chegou a primavera
rapaciña perfumada
trae luz nova nos ollos
e un sorriso na cara.

Vén no canto dos paxaros
na apoteose das flores
nas raiolas do mencer
e no roibén dos solpores.

A guapa noiva do vento
con el prometeu casar,
levar de madriña a terra,
levar de padriño o mar.

Xa chegou a primavera
pintando o val e a montaña
cunha paleta de cores,
agasallo dunha fada.
                  X. Neira
         
 

OUTROS INTERESANTES LIBROS DE POESÍA

SALÓN DO LIBRO INFANTIL E XUVENIL

Entre o 14 de marzo e o 5 de abril ten lugar no Pazo da Cultura de Pontevedra o XV Salón do Libro Infantil e Xuvenil de Pontevedra, que este ano leva por título "Cociñando libros".

 Programación completa en  www.salondolibro.org
Para hoxe sábado :
SÁBADO 15 de marzo
11.30 h
De oca a oca e... como porque me toca
Pepa Martín, mariscadora de contos
Contacontos dinámico. Cata de contos coas ferramentas
naturais: os cinco sentidos.
Público familiar
11.30 h
Obradoiro-Show. Planea a túa festa!
Editorial Ouvirmos
Queres ser o anfitrión dunha divertida festa con convites
e pratos deliciosos? Baseado no libro: Menús para festas.
Público familiar. A partir de 6 anos. Prazas limitadas (50)
12.30 h
Cantos animais
Susa Herrera
Novo libro-disco presentado polo cuarteto As comadres,
con Susa Herrera, Merchy Rozas, Teresa Gómez e Lara
Expósito.
AUDITORIO DO PAZO DA CULTURA
Público familiar. Entrada libre.
17.30 h
De oca a oca e... como porque me toca
Pepa Martín, mariscadora de contos

Público familiar18.00 h
Contacontos. Comendo Contos
Andrea Bayer
Prenderemos os fogóns para cociñar os contos que
farán as delicias de pequenos e grandes.
A partir de 3 anos
18.30 h
Merenda con pan de millo
Migallas Teatro
Baseado no libro-disco Pan de millo, esta actuación 
combina cancións e narración oral co proceso de 
elaboración do pan de millo como fío conductor.

Achegádevos a Pontevedra! Pasarédelo moi ben!
Para ver actividades de semana da prensa no blog dos peques .

Pronto chega o Dia Internacional do LIBRO INFANTIL

Coma en anos anteriores as diferentes seccións da IBBY difunden a imaxe e o texto conmemorativos do Día Internacional do Libro Infantil, a celebrar o  de abril, en memoria de Hans Christian Andersen. 

Nesta ocasión, é Irlanda o país encargado de poñerlle palabra e imaxe a este cartel que percorre o mundo enteiro lembrando a necesidade de manter viva unha literatura de calidade destinada a nenos e mozos. O texto "Carta aos nenos do mundo" é da escritora e editora irlandesa Siobhán Parkinson, que recibiu entre outros premios o Premio Laureante na nög, o Premio de Literatura Infantil de Irlanda. Pola súa parte, a imaxe do cartel é de Niamh Sharkey, unha ilustradora irlandesa así mesmo merecedora do Premio de Literatura Infantil de Irlanda, entre outros galardóns.

GALIX, a Asociación Galega do Libro Infantil e Xuvenil, difunde este material e tamén un concurso de expresión creativa que convoca a OEPLI (Organización española para el libro infantil y juvenil),  no que poden participar as nenas e nenos dos centros de ensinanza primaria e dos dous primeiros cursos de ESO. Este concurso "INVITA A HANS CRHISTIAN ANDERSEN..." proponlle ás nenas e aos nenos que deseñen unha postal para invitar a Anderssen a visitar e coñecer o sitio no que viven, neste caso, Galicia. Pódense consultar as bases AQUÍ. O prazo para a entrega de orixinais remata o 2 de abril e deben enviarse ao domicilio de GALIX (ver nas bases).

ACOSO ESCOLAR.

D. LUIS  LUACES , EXPERTO POLICÍA EN PROBLEMAS  DE
SEGURIDAD E CONVIVENCIA, acudiu ao cole

 o día 6 de marzo, para explicar e comentar aspectos relevantes

ao alumnado de 5º e 6º de primaria sobre o ACOSO ESCOLAR      

Contaremos novamente  coa súa presencia para unha charla para 
PAIS E NAIS do centro sobre ACOSO ESCOLAR  o MARTES 25 
de MARZO de 2.014, as 16:30 h. na BIBLIOCROCAIO. 

Máis información no Blog dos pequenos.     

8 de marzo : Día da MULLER

Preme  na imaxe para acceder ao xogo de LIM : JUGAMOS CON LOS VALORES.

A Concellería de Igualdade do Concello de Vigo  ten elaborado e editado un manual con perspectiva de xénero sobre as distintas conmemoracións escolares oficiais que se celebraran ao longo do curso escolar.
 "Datas e datos para lembrar en pé de igualdade... e non esquecer o resto do ano", foi elaborado por profesionais do eido da cultura de igualdade e do ensino. As autoras son: Mercedes Oliveira Malvar, Esther Mato Méndez e Luisa Abad Abad.

Ademais do libro impreso, habilitouse un sitio web www.igualdadevigo.org/datasedatos no que están subidos en liña todos os contidos. Este sitio web dispón de múltiples e variados recursos multimedia: videos, contos, documentos...

Guía moi completa para consultar sen dúbidar:

CROCAIO elexiu para presentarvos:

Tu fantástico y elástico cerebro
de JoAnn Deak, Ph. D. y Sarah Ackerley 


Un libro sobre ocerebro. Sí.
Recomendámolo  polo seu contido e ilustracións con sentido do humor e con exemplos coeducativos, onde nenos e nenas medran e exercitan  a súa cabeza e o seu corpo por igual ;-)

Así foi o noso Entroido 2014