martes, 6 de marzo de 2012

As Meninas de Velázquez e as versións.

 Falando de Arte estes días, deixamos este Photo Peach para que vexades os collages das Meninas que fixeron os nenos e nenas de 6º e aprendades algo máis sobre elas.

        Un pouco de arte: AS MENINAS on PhotoPeach

sábado, 3 de marzo de 2012

La Gioconda ou Mona Lisa

A outra Gioconda

"La Gioconda é o cadro máis famoso que existe. De aí que ainda nunca foi tasado, si o fose, probablemente alcanzaría a cifra máis alta da historia do arte. Por eso, non é estraño que fose roubado do Museo do Louvre por Vicenzo Perrugia (pintor italiano) en 1911 ainda que apareceu dous anos máis tarde en Italia".
 Hai moito que aprender deste marabilloso cadro. O seguinte enlace conta de forma interesante e entretida as principais características  desta pintura.

                                      Gioconda de París
Déixovos as dúas imaxes. Cal vos gusta máis? VOTAMOS.
Gioconda de Madrid

venres, 2 de marzo de 2012

Salón do LIBRO de PONTEVEDRA

12+1 SALÓN DO LIBRO INFANTIL E XUVENIL DE PONTEVEDRA
Do 4 ao 31 de marzo de 2012
Prezo: Entrada de balde á Sala de Exposicións

Do 4 ao 31 de marzo de 2012, desenvolverase en Pontevedra unha nova edición do Salón do Libro Infantil e Xuvenil. O Salón do Libro segue a ser un espazo marabilloso, creado grazas a implicación de moitas persoa.

O tema deste ano é 12 + 1

O Salón indagará nas supersticións, de onde veñen estas crenzas, na importancia dos números nos contos, na boa e mala sorte, e nas historias dos nosos maiores e como se trasladan á literatura infantil.
A presenza das supersticións é habitual tanto na tradición oral como na literatura contemporánea. Maniféstase de moitos xeitos. Cos números:12+1 (no canto de 13); con símbolos máxicos que funcionan coma amuletos: a figa, a pata de coello...; coas accións que nos dan poder ou nos apartan do mal: cruzar os dedos, pasar a man pola barriga dunha preñada, atopar un trébol de 4 follas, botar o sal por enriba das costas, fregar o chepón dun concorvado... coa presenza de seres sobrenaturais como a Santa Compaña; co máxico poder de lugares especiais coma os cruces de camiños ou os camposantos; con elementos que nos dan medo ou nolo quitan: allos, cruces de madeira... con apócemas máxicas: a queimada e o seu conxuro... e mesmo con animais tan cotiáns coma os gatos. Se son negros, mellor que mellor!

Autor homenaxeado

O autor homenaxeado de 2012 é Paco Martín, escritor e mestre nado en Lugo en 1940 e cunha grande traxectoria de publicacións e premios. O seu primeiro libro, Muxicas no espello, apareceu en 1971. Publicou despois as novelas No cadeixo (1976) e E agora cun ceo de lama (1981) e o volume de relatos Dende a muralla (1990), obras todas elas obxecto de excelente acollida pola crítica. Mención aparte merece a súa contribución á literatura infantil e xuvenil, na que fixo acreedor do Premio Nacional de Literatura Infantil e Xuvenil no ano 1986 co libro Das cousas de Ramón Lamote e á que aportou libros como Lembranza nova de vellos mesteres (1988). Con Historias para ler á noite (1992) acadou dos seus maiores éxitos.
Está a piques de comezar o Salón 12+1. Crucemos os dedos!

O salón do libro xa está en facebook e twitter. Podes acceder dende a web www.salondolibro.org clicando no cartel:



Actividades
12:00, sábado, 03 de Marzo de 2012
13:00, luns, 05 de Marzo de 2012
18:30, luns, 05 de Marzo de 2012
11:30, martes, 06 de Marzo de 2012
17:00, martes, 06 de Marzo de 2012

mércores, 29 de febreiro de 2012

LIM sobre os XOgos Olímpicos

Ola rapaces e rapazas, estou de novo aquí, estiven traballando nun lim sobre os Xogos Olímpicos.
Seguro que vos gustará e aprenderedes moitas cousas!!

                  LIM : TODO sobre os XXOO

Mirade que divertida obra de teatro fixeron estes nenos e nenas de 5º co tema dos Xogos:


domingo, 26 de febreiro de 2012


Vén de publicar Kalandraka esta xoia de Antonio Rubio con ilustracións de David Pintor:
Almanaque musical: doce poemas, un para cada mes do ano, onde a música, incansable, acompañaranos nos cambios de estación. Ao final tedes unha lista de recomendacións musicais para acompañar a lectura dos versos: Vivaldi, Bach, Mozart, Beethoven...
Máis completo, imposible. O malo é que non podemos pechar os ollos para sentir a música porque non queremos perdernos nin un só detalle das magníficas ilustracións de David Pintor. E vós, que preferides?
 E PARA  OS MÁIS PEQUENOS:

venres, 24 de febreiro de 2012

"PEPIÑA MARUXIÑA QUERE VOAR" Contacontos Familiar de balde.

Este domingo tedes a oportunidade de desfrutar no Verbum cos vosos fillos, dun contacontos "Pepiña Maruxiña quere voar", no Verbum (Avda Samil, 17) as 18:00 horas, organizado pola Concellería de Normalización Lingüística do Concello de Vigo.


ANIMÁDEVOS E DISFRUTAREDES!!!


mércores, 22 de febreiro de 2012

24 de febreiro día de ROSALÍA DE CASTRO

  • Este ano fanse os 175 anos do seu nacemento.
Cada 24 de febreiro lembramos o nacemento de Rosalía de Castro, poetisa sen par en lingua galega e castelán.

Ler a súa obra é unha das mellores maneiras de renderlle homenaxe, ainda que a Asociación de Escritores en Lingua galega AELG quere que nos animemos a agasallar neste día un libro en lingua galega e unha flor.

Clica no libro e busca  Rosalía e a infancia para saber máis sobre esta poeta galega: 



martes, 21 de febreiro de 2012

21 DE FEBREIRO: DÍA DA LINGUA MATERNA 

O obxectivo desta celebración, aprobada pola UNESCO en 1999, é impulsar a práctica das linguas maternas en todo o mundo, en especial, a das minorías por seren aquelas que se encontran nunha situación máis difícil.

Tamén forma parte desta celebración a promoción do respecto e interese por todos os idiomas para favorecer unha actitude positiva cara á riqueza lingüística do mundo.
A ONU entende que os idiomas son o instrumento de maior alcance para a preservación e o desenvolvemento da herdanza cultural da humanidade e que, daquela, toda iniciativa que promova a súa supervivencia servirá para incentivar, ademais do pluralismo lingüístico, a diversidade cultural.

A lingua materna, aquela en que os nenos aprenden a falar, é, como dixo o poeta Manuel María, “a chave coa que abrimos o mundo”. A lingua primeira axuda a configurar, dende o afecto, a propia visión do mundo, ao tempo que a identidade individual e colectiva.

Clica no documento adxunto que figura abaixo e verás unha presentación en PDF sobre o Día Internacional da Lingua Materna .
    lingua_materna_2011.pdf  







mércores, 15 de febreiro de 2012

Cabeza cuberta mañá xoves!

Para que non che pase o que lle pasou á toupiña do conto:

Mandado do Meco: D. Antorcho Olímpico 2012

O Meco manda para o xoves: CABEZA CUBERTA:
 Fai clic e le un interesante artigo sobre o PANO GALEGOe outros xeitos de cubrir a cabeza.
Fai clic na gorra para ir ao blog do cole e ler a copla.  Pode ser tamén Gorra:
Ou se a tes a man que mellor que unha boa BOINA!!

sábado, 11 de febreiro de 2012

Lecturas con amor

          Pásate pola Biblio e pídeos prestados!!
Por que buscamos a nosa media laranxa?
"Un día alguén inventou esta divertida historia para explicar o amor: ao principio os deuses crearon aos humanos como laranxas. Cada laranxa tiña catro brazos, catro mans, catro pernas, catro pés, dúas cabezas e dous sexos, un de neno e outro de nena.
As veces dous sexos de nena e dous de neno. As laranxas podían rodar...eran moi felices, tanto que se creron deuses e isto non o soportaron os deuses.
Enfadáronse tanto que decidiron cortar as laranxas en dúas partes.
Desde ese día os humanos son medias laranxas que buscan a súa media laranxa para ser felices." Piruletas de Filosofía de  Brigitte Labbé e M. Puech. Ed. SM
Unha axuda para nenos e nenas a reflexionar sobre preguntas importantes que se plantexan

Buscando un amigo Para os máis  pequenos.
Pipo era un cachorro. Vivía nunha granxa coa gata Cleo. Cleo era moi dormilona enunca quería xogar con Pipo, así que Pipo  aburríase moito xogando só. Cando Pipo se aburría pasaban cousas raras. E sempre lle pasaban á pobre Cleo.Título: Buscando un amigo de Hannah Ray . Texto Editores

Rita e Berta son inseparables.Son as mellores amigas do mundo, por iso, Rita tratará de pasar unha mensaxe a Edu no nome de Berta dicindolle que lle gustaría ser a súa noiva.
Menudo lío se arma!!
Rita tiene novio de Mikel Valverde. Ed Macmillan , de 8 a 12 anos.


Porque te quero tanto de Guido van Genechten! Ed. Tambre.
¡Porque te quero tanto! fala das inquedanzas dun bebé ante a vida, das preguntas que se formula nos seus primeiros pasos e do importante que é sentirse querido a unha idade tan temperá. A pesar de que o tema foi tratado en numerosas ocasións, o texto, sinxelo e conciso, a imaxe, a cor, o xogo de texturas, e mesmo o tamaño dos debuxos, canalizan a calma, a inxenuidade e a plenitude que desexa transmitir o autor con esta tenra proposta.
Así empeza
Osiño era listo, moi listo. Sabía ónde se agochaban os peixes máis deliciosos e cómo pescalos.
Coñecía o sabor das folerpas de neve antes de que se derretesen na súa boca.

Leopoldo y Casilda de Daniela Kulot-Frisch Ed. Faktoría K de Libros
Leopoldo vive co seu papá e Casilda coa súa mamá: un conto que fala de fillos únicos, da necesidade de relacionarse con outros nenos e das familias monoparentales. Conta dúas historias de amor. Unha historia cargada de ternura. Un libro respetuoso coa infancia, con ilustracions de vivas cores.
Así empeza:
Leopoldo tiene una mamá que se sienta con él al atardecer y le cuenta cuentos maravillosos.
Leopoldo tiene una mamá que por las noches deja la puerta de su dormitorio entreabierta para que pueda oí lo que ella hace por la casa.
Leopoldo tiene una mamá que por las mañanas le lleva al armario para que escoja la ropa que quiere ponerse.
Leopoldo tiene una mamá que le acaba el desayuno cuando ya no puede comer más.
Leopoldo tiene una mamá que nunca mete su patito de peluche en la lavadora, por muy sucio que esté

venres, 10 de febreiro de 2012

mércores, 8 de febreiro de 2012

Disfraces e páxinas do Entroido con moita información.

Aquí podes atopar disfraces moi orixinais se ainda non sabes de que te vas disfrazar.


E se premes neste PELIQUEIRO DE LAZA terás moita información sobre o Entroido: manualidades, xogos, receitas... seguro que che gustará!!

luns, 6 de febreiro de 2012

Viaxe ás covas do Folón

Videoxogo no que os participantes farán unha viaxe nunha máquina do tempo que atoparán nas Covas do Folón en Coruxo(Vigo).
Destinado a estudantes de 3º Ciclo de Primaria e 1º da ESO dos colexios de Vigo para que descibran a súa cidade a través da súa historia, do seu patrimonio e da súa lingua.



En cada época: Megalitismo, Os petróglifos,Os Castros, Romanización, Medievo,Os Pazos,Reconquista, Modernismo e Actualidade; o xogador atravesará o escenario de esquerda a dereita e terá que resolver tres xogos intercalados con catro preguntas.
Xoga tantas veces como queiras!O teu resultado final será a media de todas as partidas que xogues.
Poderás xogar ata o 25 de marzo.

venres, 3 de febreiro de 2012

Técnicas de estudio: Como facer un traballo.

A biblioteca escolar do CEIP de Leirado (Salvaterra de Miño, Pontevedra) elaborou esta presentación como material para aprender a realizar un traballo, destinada ao alumnado de 2º e 3º ciclo de Primaria. Simple e ben documentada, é un material que pode ser empregado para a educación documental desde a biblioteca escolar
 
 
 

mércores, 1 de febreiro de 2012

Un día da Paz compartido.

 Aquí tedes o resume do Día da Paz compartido cos coles veciños de Candeán e Carballal.
Foi un magnífico día  no que o alumnado disfrutou xogando e compartindo a celebración.
Todo saiu moi ben. Moitas grazas pola colaboración a compañeiros, conserxes, policía local e  sobre todo ao alumnado, que conservará na memoria este día da Paz diferente e compartido. 
Xogaron, debuxaron , cantaron,  intercambiaron as súas medallas identificativas e aínda que cantaron a mesma canción "Apuesta por la Paz" de Noel Soto as coreografías eran distintas polo que quedou moi ben. Estamos preparando o video máis completo.

Día da PAZ 2012. CEIP Eduardo Pondal .Vigo on PhotoPeach

xoves, 26 de xaneiro de 2012

MÁIS PAZ !!

O Nobel da Paz 2011 premia a loita das mulleres en ÁfricaImagen de Premio Nobel de la Paz 2011 para tres mujeres

A presidenta de Liberia: Ellen_Johnson-Sirleaf, a tamén liberiana Leymah Gbowee e a yemení Tawakkul Karman ganaron o Premio Nobel da Paz 2011.A súa "loita non violenta pola seguridade das mulleres e polos dereitos das mulleres para participar nas tarefas de pacificación".
Non se pode alcanzar "a democracia e unha paz duradeira no mundo ata que as mulleres non obteñan as mesmas oportunidades que os homes para influir no desenvolvemento social".

Ellen Johnson Sirleaf, de 72 años, é desde 2006 a primeira muller africana elexida democráticamente para presidir o seu país.
Leymah Roberta Gbowee, de 39 años, é unha activista coñecida por ter organizado o movemento pacifista que logrou poñer fin á segunda guerra civil en Liberia no 2003.
 Tawakkul Karman, é unha política yemení e activista pro dereitos humanos que lidera o grupo de Mulleres Periodistas Sen Cadeas, creado en 2005.
 Dende a Bibliocrocaio queremos recordar e recoñecer a estas tres grandes e valentes mulleres loitadoras .

Unha frase para o día da paz:

            " A PAZ é a única forza capaz de transformar un inimigo en amigo”.Martin Luther King.
        
DÍA ESCOLAR DA NON-VIOLENCIA E DA PAZ
 O día 30 de Xaneiro conmemórase a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista.
GANDHIGandhi naceu en Porbandar, India, en 1869, e tras graduarse en dereito en Inglaterra, instalouse en África do sur e loitou alí contra a discriminación de que eran obxecto os indios. Ao volver á India organizou a resistencia non violenta contra o colonialismo e a non cooperación coa administración inglesa. Tratou de frear os choques entre hindús e musulmáns. Encarcerado en numerosas ocasións, era en 1937o líder dun movemento capaz de mobilizar ou deter a millóns de indios.
 Celebramos nesta data o Día Escolar da Non-Violencia e da Paz. Fundado en 1964, é  unha xornada educativa co fin de levar aos nenos e nenas a mensaxe de que "o amor é mellor que o odio, o diálogo mellor ca violencia e a paz mellor que a guerra" (Vidal, 1972). 

 

 Un libro para o día da paz: 

A historia de Erika de RUTH VANDER ZEE. Ed. KALANDRAKA

Ilustrador: ROBERTO INNOCENTI 

Traducción: PILAR MARTÍNEZ e XOSÉ MANUEL GONZÁLEZ

Na Bibliocrocaio está a versión en galego.



  Unha película para o Día da Paz:
 "Historia de una gaviota y del gato que le enseñó a volar"

 

Kenga, unha gaivota envenenada por unha mancha de petróleo, consigue xusto antes de morrer confiar o seu ovo ao gato Zorbas, obtendo del tres promesas: non comer o ovo, coidar del ata que abra e ensinar a voar ao recén nacido...
Fermosa película de amizade, xenerosidade e amor ao próximo que seguro vos gustará.

mércores, 25 de xaneiro de 2012

Preparamos a xornada da Paz

Aquí tedes as medallas que os nenos e nenas do cole levarán o día 30 de xaneiro e intercambiarán cos outros dous coles da zona cos que compartimos esa xornada no noso centro: o CEIP Carballal e o CEIP Candeán. Será un bo día e nós estamos traballando arreo para que así sexa.
Como podedes comprobar as medallas identificativas levan no reverso os aros olímpicos. Sabiades que a bandeira olímpica é branca co debuxo dos aros olímpicos?
Os primeiros XXOO tiveron lugar na cidade grega de Olimpia que se convertiría en símbolo de Paz porque durante as probas prohibíanse as guerras.Chamábanlle Tregua Sagrada. Sobre os atletas vencedores poñíase unha rama de oliveira , árbore que hoxe é un símbolo de Paz.





Aquí tedes tamén algunha das preciosas pombas que as familias decorastes para formar un gran mural.Sírvennos de enlace a dous xogos Lim e un conto  sobre a paz.  Moitas grazas familias!!

luns, 23 de xaneiro de 2012

LECTURAS para a Paz.

Seguro que algúns xa os coñeces , e ainda hai máis que tratan este tema , busca o teu, achégate á BIBLIOCROCAIO e pídeo prestado.Podes escoitar de fondo a canción que cantaremos o próximo luns "Apuesta por la Paz" de Noel Soto.
Nós, cláro está que APOSTAMOS POLA PAZ!!

LECTURAS PARA A PAZ on PhotoPeach

domingo, 22 de xaneiro de 2012

puzzles pacíficos

Crocaio  está moi atarefado preparando as actividades para a celebración conxunta cos coles de Candeán e Carballal do Día Escolar pola PAZ no noso centro o próximo luns 30. Mentres tanto, preparounos uns puzzles con fermosas ilustracións que son en si mesmas mensaxes de Paz. Todos teñen un número distinto de pezas, hainos máis doados e outros máis difíciles. Atrévete con todos!!


       Ariana Papini 
                                                                                                                        Xiquets
                                                                                                                                                                                  Nathalie Choux
Nicoletta Costa
                                                           
 

   Julia Wakefield                                                                                      
                                                             Nancy Ribard

sábado, 21 de xaneiro de 2012

mércores, 18 de xaneiro de 2012

LIM XXOO

Agora xa sabemos algo dos XOGOS OLÍMPICOS podedes atrevervos con este Lim co que aprenderedes moito máis sobre eles. Ánimo!

2012 Ano do poeta Celso Emilio Ferreiro

Para comezar o ano 2012 o noso poema semanal foi "María Soliña " do poeta de Celanova Celso Emilio Ferreiro ao que a Xunta dedicará actividades especiais  para conmemorar os cen anos do seu nacemento.
María Soliña existiu en realidade, foi unha muller de Cangas á que a Santa Inquisición condenou a pena de morte.
Deixovos a canción de Luar na Lubre para escoitar e cantar con eles o fermoso poema.

luns, 16 de xaneiro de 2012

Información básica sobre os Xogos Olímpicos

*Sabes por que se chaman Xogos Olímpicos?
*Que representan os aros olímpicos?
*Cando se celebran?
*Sabes por que son un símbolo de PAZ os Xogos Olímpicos?
*Cal era o premio dos primeiros gañadores?
Todo esto e moito máis poderás atopalo se fas clic e les con calma a información que Crocaio nos achega moi xentilmente.

sábado, 14 de xaneiro de 2012

Agasallos de campionato!! Bibliocrocaio.Nadal 2011

Todo un éxito foron os agasallos de libros no Nadal. Os Reis Magos sobre todo viñeron moi cargados, trouxeron pesados libros de Gerónimo Stilton a mogollón!!
Podedes ver no vídeo cantos libros da escritora  Fina Casalderrey nos agasallaron xa que moi pronto vai vir a visitarnos e a charlar cos pequenos e grandes sobre contos e historias fantásticas como as que ela imaxina e escribe. Fina é unha grande, experimentada e moi premiada escritora en galego e castelán, ademais de ser mestra, profesión da que se xubilou este pasado ano.
Nos agasallos hai tamén moitos libros de deportes xa que é o tema de traballo deste curso na BIBLIOCROCAIO.

domingo, 8 de xaneiro de 2012

O Inverno xa está aquí.

Volvendo ao noso proxecto deste curso da  BIBLIOCROCAIO: Os Xogos Olímpicos
xoga ti con este Lim que nos deixou o cole de Frian-Teis sobre os DEPORTES DE INVERNO.
Preme na imaxe e poderás xogar !


 E tamén podes buscar páxinas sobre O  INVERNO  neste Symbaloo. Pásao ben!

ADIVIÑAS PARA XOGAR

Seguro que xa tes lido o libro que Crocaio recomendou e por iso, para estes día de vacacións traemos un xogo de adiviñas.
Fai clic na imaxe e cando cargue premes no signo ?  para saber como xogar. Adiante!!

venres, 6 de xaneiro de 2012

Foto cos Reis Magos

Hoxe, o día máis máxico do ano, sáca unha foto (¡dedicada!) cos Reis Magos.

EL CAMELLO COJITO. AUTO DE LOS REYES MAGOS

 Na  Biblioteca do  Centro Virtual Cervantes  podes acceder a un arquivo sonoro coa voz da propia  Gloria Fuertes autora do poema "El camello cojito" no que nos conta as dificultades de Melchor, Gaspar e Baltasar para chegar a Belén. Crocaio está seguro que che vai  gustar. Fai clic na imaxe:


martes, 3 de xaneiro de 2012

CANTARES DE REIS

reisOs "Cantares de Reis" chamados nalgúns lugares da xeografía galega como "reises" ou "aguinaldos", son pequenas composicións cantadas que narran a chegada dos reis Magos a Belén.
Presentan tres partes: a petición de licencia para o canto, a cantiga narrativa propiamente dita e a petición de aguinaldo, que consistía en algo de comer ou doces para facer unha festa.

Xa me tardan estes magos é o novo traballo de Mamá Cabra, un disco que xurde coa intención de renovar as panxoliñas.




MAMA CABRA - Xa me tardan estes Magos from merlo branco producións on Vimeo.

Unha creación divertida e orixinal para celebrar en familia estas festas tan entrañables.

Este novo traballo publicouse a finais de 2011 da man da editorial Galaxia.

 Si pinchades na bruxa poderedes escoitar e baixar máis cancións de Mamá Cabra do seu blog:


martes, 20 de decembro de 2011

Visita dos alumnos de Primaria ao Museo Etnográfico LISTE en Vigo

 Os alumnos de primaria do CEIP Eduardo Pondal de Vigo tivemos o enorme pracer de visitar o Museo Etnográfico Liste en Castrelos-Vigo hai uns días.
Recibíronnos con moita cordialidade , explicáronnos todas as salas así como a exposición temporal de sombreiros e zapatos.
Aprendemos moito dos nosos anergos e animáronnos a que fixeramos novamente a visita cos nosos pais nestes días de vacacións.
Había unha fermosa colección de Beléns de todos tipos, materiais e procedencias, repartida por todo o museo. 
Aquí vos deixamos algunhas fotos sobre todo do grupo dos maiores.
Pasámolo moi ben!!


luns, 19 de decembro de 2011

O BUBISHER, unha iniciativa solidaria

Aínda que xa falaramos deste proxecto, parécenos oportuno retomalo, para que o coñezades un pouco máis. O bubisher é un paxaro que vive na Península e tamén en África, nós chamámoslle Collalba negra e no Sáhara o seu nome significa  PAXARO DE BOA SORTE, no dialecto hassaní é Bubchir (o da boa nova) porque anida e cría despois das chuvias.

Este é o nome tamén do bibliobús, un camión que acude aos campos dos refuxiados do Sáhara. Entra nas escolas e vai os barrios para que as e os saharauis poidan ler contos e disfrutar da lectura.
Este ano moitas bibliotecas galegas decidiron unirse a este gran proxecto de fomento da lectura e de solidariedade.
Son moitas as bibliotecas, editoriais, e persoas que participan neste proxecto.


























O BUBISHER é  recibido con  gran alegría e ilusión por todos, como amosan estes vídeos.


                                                           LA HUELLA DEL BUBISHER






                                                     BUBISHER  SMARA   ABRIL 2.011



A nosa bibilioteca, a BIBLIOTECA CROCAIO colabora co libro " Colores y más colores"  de Mª Rosa Serdio e Ester Sánchez.



Estamos seguros que disfrutarán moito.