martes, 25 de maio de 2010

Poemas do mes de maio. Homenaxe a Uxío Novoneyra

Disfrutade dos poemas do mes de maio, de Uxío Novoneyra.










Canta o cuco cala e canta



dos castiñeiros ó val.



Pasa o tempo e non di nada


e volta o cuco a cantar.





FIANDEIRIÑA delgada


sempre metida a fiar


sempre a fiar e soñar


para logo non ser nada



Para logo non ser nada


eso inda está por ver


Pois cas frebas do liño


Ó torcelas de camiño


algo se ha de prender.



Algo se ha de prender


i abofé tiñas razón


que eu estábache mirando


sin pensar que encanto e non


íame namorando








GALICIA digo eu ún di GALICIA

GALICIA decimos todos GALICIA

hastra os que calan din GALICIA

e saben sabemos

GALICIA da door chora á forza

GALICIA da tristura triste á forza

GALICIA do silencio calada á forza

GALICIA da fame emigrante á forza

GALICIA vendada cega á forza

GALICIA tapeada xorda á forza

GALICIA atrelada queda á forza

libre pra servir libre pra servir

libre para non ser libre para non ser

libre para morrer libre para morrer

libre para fuxir libre para fuxir

GALICIA labrega GALICIA nosa

GALICIA mariñeira GALICIA nosa

GALICIA obreira GALICIA nosa

GALICIA irmandiña

GALICIA viva inda

recóllote da TERRA estás mui fonda

recóllote do PUEBLO estás n' il toda

recóllote da HISTORIA estás borrosa.

recóllote i érgote no verbo enteiro

no verbo verdadeiro que fala o pueblo

recóllote pros novos que vein con forza

pros que inda non marcou a malla d' argola

pros que sabe que o home pode ser outra couda

sabemos que ti podes ser outra cousa

sabemos que o home pode ser outra cousa.



Ningún comentario: